ავსტრიაში ტერმინი „მეორე ტალღა“, როგორც ფრანცპრესი იუწყება, უკვე ოფიციალურად გამოიყენება. საფრანგეთში ყოველდღიურად კოვიდ19-ის ათასამდე რეგისტრირებული შემთხვევაა და სტატისტიკის მიხედვით, ამჟამად ინფიცირებულთა რიცხვი უფრო მაღალია, ვიდრე აპრილში.

ექიმები მიმართავენ მოქალაქეებს ოფიციალური წერილით, მინიმუმამდე დაიყვანონ ნებისმიერი სახის სოციალური კონტაქტები.

ერთ-ერთი მოქალაქე, ასეთი წერილით პასუხობს ექიმებს: „მეორე ტალღაა თუ არა, მე კარგ ფორმაში ვარ, მე უბრალოდ ვიცავ წესებს, როდესაც ვხვდები მეგობრებს და ნათესავებს, არანაირი ჩახუტებები და კოცნები, აი, მაგალითად, ახლა მე მივდივარ სტუმრად, ვნახავ შვილიშვილებს, რომლებიც შემომახტებიან კისერზე და აი აქ, ვეღარ გავჩერდები“, - აცხადებს ერთ-ერთი მოქალაქე.

ლა-მანშის ნაპირას, ბრითანეთში, ბოლო 24 საათში, ორჯერ უფრო ნაკლები ინფიცირების შემთხვევა დაფიქსირდა, თუმცა ეს ქვეყნისთვის - ანტირეკორდია, რომელიც შენარჩუნებული იყო კარანტინის დაწყებიდან, 17 მაისიდან.

ხელისუფლებამ აკრძალა შეხვედრები, სადაც ადამიანთა რაოდენობა 6 კაცს აღემატება.

 „მე ვფიქრობ, რომ კონსენსუსი იმასთან დაკავშირებით, რომ არსებულ სიტუაციაში საჭიროა უფრო სწრაფი მოქმედება, არსებობს. შემზღუდავი ზომები იმისთვის მიიღება, რომ ვირუსის გავრცელების მასშტაბები აღარ გაიზარდოს. წინააღმდეგ შემთხვევაში კი, სიტუაციის გაკონტროლება გაცილებით რთული იქნება“, - აცხადებს Imperial College London-ის მედიცინის პროფესორი, პიტერ ოუპენშო.

ბელგიაში, სადაც ასევე მოქმედებს შემზღუდავი ზომები, მატულობს ჯანდაცვის სფეროს წარმომადგენლების უკმაყოფილება. ისინი ითხოვენ შრომის პირობების გაუმჯობესებასა და ხელფასების ზრდას. ხელისუფლებას ეშინია, რომ შვეულებიდან დაბრუნებულები არ აღმოჩნდნენ ინფიცირების ახალი წყაროები.

ჩეხეთში, სადაც საკარანტინო შეზღუდვები შედარებით შემსუბუქებული იყო, ვიდრე სხვა ქვეყნებში, აღნიშნულ მომენტში კოვიდ19-ით ინფიცირებულთა რეგისტრირებული რიცხვი იზრდება, მხოლოდ შაბათს იყო გამოვლენილი ნახევარ ათასზე მეტი ინფიცირების შემთხვევა.

ისრაელში, უახლოესი სამი კვირის განმავლობაში იმოქმედებს ახალი კარანტინი, ამის შესახებ პრეიერმა განაცხადა. ქვეყანაში, ბოლო მონაცემებით, კორონავირუსით ინფიცირებულია 153 ათასზე მეტი ადამიანი და ვირუსით გარდაცვლილთა რიცხვი 1 100 პაციენტს აღემატება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times