ნათია თურნავა: ყველაფერს ვაკეთებთ, რომ მკაცრი ზომები აღარ გახდეს საჭირო - ჩვენი ეკონომიკა ასეთ დარტყმას ვეღარ გაუძლებს

2020-09-10 14:08:09, 2945 ნახვა

კომენტარი

სამწუხაროდ, ის მეორე ტალღა, რომელსაც ვარაუდობდნენ მთელი მსოფლიოს ეპიდემიოლოგები, საქართველოში უკვე დაწყებულია, - ამის შესახებ ეკონომიკისა და მდგრადი განვითარების მინისტრმა ნათია თურნავამ, მთავრობის ადმინისტრაციაში გამართულ ბრიფინგზე განაცხადა.

მისივე თქმით, მთავრობა მკაცრი შეზღუდვების დაწესებას, რომელსაც საქართველოს ეკონომიკა ვეღარ გაუძლებს, არ აპირებს.

„ყველაფერს ვაკეთებთ იმისთვის, რომ კვლავ დიდი შემზღუდავი და მკაცრი ზომები არ გახდეს საჭირო, როგორც ეს უკვე გავიარეთ და ამას, ჩვენი ეკონომიკა, რა თქმა უნდა, მეორედ ასეთ დარტყმას ვერ გაუძლებს, შესაბამისად წერტილოვანი ღონისძიებებით და ასევე ჩვენი სამედიცინო პერსონალის პროფესიონალიზმის წყალობით, ჩვენ იმედი გვაქვს, რომ შედარებით უმტკივნეულოდ გავივლით ამ პროცესს“, -განაცხადა ეკონომიკის მინისტრმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან