გარდაცვლილი პროგრამისტის თამარ ბაჩალიაშვილის ოჯახი, ადვოკატი, ადამიანის უფლებათა ცენტრისა და სახალხო დამცველი წარმომადგენლები პროკურატურაში იმყოფებიან.

ბაჩალიაშვილის დედას თეონა თამაზაშვილს კითხვები აქვს იმასთან დაკავშირებით, თუ რატომ დაურეკა მწყემსმა თამარის ავტომობილის პოვნის შემდეგ აფციაურს და არა სხვას.

„ამათი პირით უნდა მოვისმინო ურცხვად რომ იტყუებიან. გამოდიან და ამბობენ, რომ არავის დნმ არ აღმოჩნდაო. მათგან უნდა მოვისმინო, რატომ არ გაასაჯაროეს დანარჩენი მასალა. რისი იმედი ჰქონდათ რომ არ წავიკითხავდით დასკვნას? ბევრ რამეზე არაა პასუხი. რაღა იმ მწყემსს ჰქონდა აფციაურის ნომერი და რაღა აფციაურს დაურეკა. მაშინ ყველა მწყემს უნდა ჰქონოდა მისი ნომერი და ვინმე თუ ნახავდა ის დაურეკავდა. დრონებმა ვერ ნახეს მანქანა და მაინც და მაინც მწყემსს უნდა ენახა? რა სისულელეა“, - განაცხადა თეონა თამაზაშვილმა.

პროკურატურაში შესვლამდე მხარეებმა კომენტარი გააკეთეს. „ადამიანის უფლებათა ცენტრის“ წარმომადგენელმა ეკა ქობესაშვილმა განაცხადა, რომ ეცდება საქმესთან დაკავშირებით მაქსიმალურად ნათელი სურათი შექმნას.

„დღეს ვეცდებით, რომ მაქსიმალურად შეგვექმნას ნათელი სურათი როგორ მიდის გამოძიება. მაქვს ინფორმაცია რომ მწყემსებს რამდენიმე ჩვენება აქვთ მიცემული და ისინი თანხვედრაში არაა ერთმანეთთან“, - განაცხადა ეკა ქობესაშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს