ბათუმში, იუსტიციის სახლის თანამშრომელს კორონავირუსი დაუდასტურდა.

ამის შესახებ აჭარის ავტონომიური რესპუბლიკის საზოგადოებრივი ჯანდაცვის ცენტრის დირექტორმა, რუსუდან შავიშვილმა განაცხადა.

როგორც მან ჟურნალისტებთან საუბრისას აღნიშნა, ამ დროისთვის შენობა დახურულია და მიმდინარეობს კონტაქტების მოძიება.

„ახალი შემთხვევები უკვე დადასტურებულთან კონტაქტებს წარმოადგენენ. ისინი იმყოფებოდნენ თვითიზოლაციასა და საკარანტინე სივრცეში და იქ არის გამოვლენილი. გასული 24 საათის განმავლობაში ხოფის ბაზრობას უკავშირდება 3 დადასტურებული შემთხვევა. სწორედ ამ წუთებში მიმდინარეობს გაფართოებული ტესტირება, ბაზრობა დაკეტილია და ლოკაციაზე გასულია ეპიდემიოლოგთა ჯგუფი. 1 დადასტურებული შემთხვევა გახლავთ იუსტიციის სახლის თანამშრომელი. გუშინ ღამით მოხდა შენობის დეზინფექცია, დამუშავება. მოიაზრება დაახლოებით ყველა თანამშრომლის ტესტირება. ვისაც დაუდასტურდება რომ არის ნეგატიური და ყველაზე ნაკლებ შემხებლობაში იყო ამ ადამიანთან, ისინი გააგრძელებენ მუშაობას“, - განაცხადა რუსუდან შავიშვილმა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე