ჩაქვში არსებულ სასტუმრო „დრიმლენდ ოაზისის“ სტუმარს, რომელიც სამედიცინო კონფერენციაში მონაწილეობდა, კორონავირუსი დაუდასტურდა.

ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ცოტა ხნის წინ „ტვ პირველის“ ეთერში განაცხადა.

მისი თქმით, ინფიცირებული ქალი სამედიცინო პერსონალის წარმომადგენელია და მას ვირუსზე დადებითი პასუხი განმეორებითი ტესტირებისას დაუდასტურდა..

„სასტუმრო ოაზისში ჩემი კოლეგების კონფერენცია მიმდინარეობს, სადაც ერთ-ერთ პირს ჰქონდა საეჭვო სიმპტომები, კოტაქტირებული იყო ინფიცირებულთან, რის გამოც ის გაიტესტა. სწორედ ერთი წუთის წინ მომაწოდეს ინფორმაცია, ინფექცია დადასტურდა“, - განაცხადა ამირან გამყრელიძემ.

ცნობისთვის, სასტუმრო „დრიმლენდ ოაზისის“ 900-მდე დამსვენებელს შენობის დატოვება აკრძალული აქვს. ამ ეტაპზე, სასტუმროში ახალი დამსვენებლების მიღება არ ხდება.

ავტორი: ექსპრესნიუსი,

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს