2020-08-22 11:25:21, 4677 ნახვა

---

საგარეო უწყება - საოკუპაციო რეჟიმის მიერ ხვიჩა მღებრიშვილისთვის სამთვიანი პატიმრობის შეფარდება პროვოკაციული და დესტრუქციული გადაწყვეტილებაა

საგარეო საქმეთა სამინისტრო საოკუპაციო რეჟიმის მიერ უკანონოდ დაკავებული საქართველოს მოქალაქის ხვიჩა მღებრიშვილისთვის ე.წ. სამთვიანი პატიმრობის შეფარდებას პროვოკაციულ და დესტრუქციულ გადაწყვეტილებად აფასებს.

უწყების განცხადებით, მსგავსი ფაქტები კიდევ უფრო ამძიმებს ადგილზე შექმნილ ისედაც რთულ უსაფრთხოებისა და ჰუმანიტარულ ვითარებას.

მათივე თქმით, საქართველოს ხელისუფლება ძალისხმევას არ იშურებს და განაგრძობს საერთაშორისო საზოგადოების მობილიზებას, რათა დაკავებული მოქალაქეები დროულად და უვნებლად დაუბრუნდნენ თავიანთ ოჯახებს.

ცნობისთვის, ხვიჩა მღებრიშვილს, რომელსაც საოკუპაციო რეჟიმი ღამურების მოპარვას ედავებოდა, ე.წ. საზღვრის კვეთისთვის 3-თვიანი პატიმრობა მიუსაჯეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი