საქართველოს გენერალურ პროკურატურაში განაცხადეს, რომ  „თბილისის ცენტრალურ საავადმყოფოში“ პაციენტს ოპერაცია იტალიიდან მოწვეული ექიმების ნაცვლად, ლიცენზიის არმქონე პირებმა გაუკეთეს.

პროკურატურაში იუწყებიან, რომ აღნიშნული კლინიკის ექიმმა ვ.ყ.-მ დაარწმუნა პაციენტის ოჯახის წევრები, რომ პაციენტისათვის ჩატარებული გამოკვლევის შედეგები იტალიაში  გადააგზავნეს და მათი რეკომენდაციით უნდა ჩატარებულიყო  ქირურგიული ოპერაცია, რომელსაც  ასევე იტალიიდან მოწვეული ექიმები გააკეთებდნენ.

„საქმეზე ჩატარებული გამოძიებით დადგინდა, რომ 2018 წლის ზაფხულში მოქალაქე  ნ.ც.-მ შესაბამისი სამედიცინო მომსახურების მიღების მიზნით, კლინიკა - შპს ,,თბილისის ცენტრალურ საავადმყოფო"-ს მიმართა, სადაც მას კონსულტაცია  ექიმმა ვ.ყ.-მ გაუწია.

ვ.ყ-მ., პაციენტი- ნ.ც. და მისი ოჯახის წევრები დაარწმუნა, რომ პაციენტისათვის ჩატარებული გამოკვლევის შედეგები იტალიაში  გადააგზავნეს და მათი რეკომენდაციით უნდა ჩატარებულიყო  ქირურგიული ოპერაცია, რომელსაც  ასევე იტალიიდან მოწვეული ექიმები გააკეთებდნენ. თუმცა, აღნიშნული ოპერაცია , შპს ,,თბილისის ცენტრალურ საავადმყოფო"-ში 2018 წლის 18 სექტემბერს ექიმმა ვ.ყ.-მ თავად გაუკეთა პაციენტს, ისე რომ მას  არ გააჩნდა დამოუკიდებელი საექიმო საქმიანობის დამადასტურებელი სახელმწიფო სერტიფიკატი სპეციალობით ,,ორთოპედია-ტრავმატოლოგია", ასევე მან ოპერაციაზე დაიხმარა მ.ხ. რომელსაც ასევე არ გააჩნდა სახელმწიფო და/ან დროებითი სერტიფიკატი არც ერთ სპეციალობაში და იგი საავადმყოფოში ხელშეკრულების საფუძველზე  კონსულტანტის თანამდებობაზე მუშაობდა“, - განაცხადეს პროკურატურაში.

ავტორი: ექსპრესნიუსი,

სოციალური ქსელები

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები

მდინარაძე იქნება მსოფლიოს ისტორიის პირველი facebook პოსტებთან მებრძოლი გენერალი - გახარია საქართველოსთვის

კობახიძე - იყო კონკრეტული ექსცესები, რომლებმაც ჩრდილი მიაყენა ჩვენს ხელწერას 2024 წლის ნოემბერ-დეკემბრის მოვლენების დროს

სახალხო დამცველისთვის ადმინისტრაციულ სამართალდარღვევათა კოდექსსა სს კოდექში შეტანილი ცვლილებეი პრობლემურია