„უკრაინის ყველაზე პოპულარულ და რეიტინგულ მედია პლატფორმაზე გასულ ჟურნალისტურ გამოძიებაში ზუსტად არის ასახული სააკაშვილის დანაშაულებრივი რეჟიმის ანატომია", - ასე გამოეხმაურა ფრაქცია „ქართული ოცნების" თავმჯდომარე რატი იონათამიშვილი უკრაინელი გამომძიებელი ჟურნალისტების  საერთაშორისო მასშტაბის ჟურნალისტურ გამოძიებას.

მისივე თქმით, ჟურნალისტები გაოგნებას გამოხატავენ, რომ სტრასბურგის ევროპული სასამართლოს  მიერ უმძიმეს საქმეებზე მრავალგზის გასამართლებული დანაშაულებრივი რეჟიმის არქიტექტორებს უკრაინის ხელისუფლებამ ჩააბარა რეფორმების გაძღოლა.

„ისინი, ასევე ირწმუნებიან, რომ სააკაშვილსა და   ადეიშვილს აქვთ პირდაპირი შეხება გიორგი გაბუნიას მკველელობის ორგანიზებასთან, რათა ეს ფაქტი საკუთარი პოლიტიკური რევანშისთვის გამოეყენებინათ. ასევე, საუბარი მსხვილ კორუფციულ ფაქტებზე, რომლის კვალიც მიდის სააკაშვილი-მერაბიშვილი- ადეიშვილის კრიმინალურ კლანამდე. ჟურნალისტები უკრაინის ხელისფლებას სთხოვენ არა მხოლოდ იმას, რომ რეფორმებს ჩამოაშოროს ეს დანაშაულებრივი სინდიკატი, არამედ მოახდინოს მასზე სამართლებრივი რეაგირება. ქართველებისთვის ზედმიწევნით ცნობილია და ახალს არ წარმოადგენს ის ფაქტები, რაზეც არის მსჯელობა, რადგანაც სწორედ ამ დანაშაულებების გამო ჩამოაშორა ეს დანაშაულებრივი კლანი ხელისუფლებას. დაველოდოთ უკრაინის ხელისუფლების რეაქციას და საერთაშორისო რეზონანს ამ გამოძიების მიმართ", - განაცხადა რატი იონათამიშვილმა.​

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი