ეუთოს საპარლამენტო ასამბლეის პრეზიდენტი, გიგი წერეთელი სომხეთის პარლამენტის სპიკერს, არარატ მირზოიანს ტელეფონით ესაუბრა. საუბარი შეეხო აზერბაიჯან-სომხეთის საზღვარზე მომხდარ შეტაკებას და შემდგომ ვითარებას. სომხეთის პარლამენტის სპიკერის განცხადებით, ამჟამად აქტიური სამხედრო მოქმედებები არ მიმდინარეობს, თუმცა გარკვეული დარღვევები ფიქსირდება. მისი განცხადებით მნიშვნელოვანია საერთაშორისო ორგანიზაციებისა და განსაკუთრებით ეუთო-ს როლი ცეცხლის სრული შეწყვეტისა მოლაპარაკებების გაგრძელების საქმეში. 
გიგი წერეთელმა აღნიშნა, რომ დაუშვებელია სამხედრო მოქმედებების განახლება და რაც მოხდა, ეს აზარალებს კონფლიქტის მშვიდობიანი მოგვარების პერსპექტივას და საფრთხეს უქმნის რეგიონის უსაფრთხოებას. მან წუხილი გამოთქვა შეტაკებების შედეგად, დაღუპულთა და დაჭრილთა გამო.  მისი განცხადებით, ეუთო-ს მინსკის ჯგუფი და სპეციალური წარმომადგენელი მუდმივ კონტაქტზე არის მხარეებთან, მათი მანდატის  ფარგლებში ახორციელებენ მოქმედებებს სიტუაციის დეესკალაციისა და მოლაპარაკებების გასაგრძებლად. 
" სამწუხაროა, რომ პანდემიის პირობებში, როცა მეტ თანამშრომლობას და სოლიდარობას ველოდით ქვეყნებს შორის, ამგვარი დაპირისპირება ხდება და მოსახლეობა კიდევ უფრო დაუცველად გრძნობს თავს. ყველაფერი უნდა გაკეთდეს,რათა გაგრძელდეს მოლაპარაკებები,არსებობდეს პოლიტიკური ნება კონფლიქტის მშვიდობიანად მოგვარების, ეუთო-ს პრინციპებისა და საერთაშორისო სამართლის ნორმების მიხედვით".განაცხადა გიგი წერეთელმა. 
აღსანიშნავია, რომ ვითარების გამწვავებისთანავე  სომხეთისა და აზერბაიჯანის მხარეებმა ეუთო-ს საპარლამენტო ასამბლეას და სხვა საერთაშორისო ორგანიზაციებს რეაგირებისათვის მიმართეს.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“