თბილისის მერის მოადგილე, ანდრია ბასიალია ბავშვთა ქალაქ „მზიურის“ განახლებულ ტეროტორიაზე დაგეგმილ პროექტს გაეცნო, რომელიც პარკის ქვედა ნაწილში მდებარე ყოფილი საბაგირო შენობის რეკონსტრუქციას, მის ფუნქციურ დატვირთვასა და თანამედროვე ხელოვნების გალერეა-მედიათეკის მოწყობას გულისხმობს.

ანდრია ბასილაია სოციალური საწარმოს - „მზიურის კაფე“ დამფუძნებელ ანა გოგუაძეს შეხვდა და პროექტის დეტალები მოისმინა.

„აღნიშნულ პროექტზე საინიციატივო ჯგუფი თითქმის ათი წელი მუშაობდა და მიუხედავად იმისა, რომ ქალაქს არაერთი კომერციული შეთავაზება ჰქონდა, გადაწყდა, არსებული სივრცე ხელოვნების დარგისთვის დაგვეთმო და მიგვეცა შესაძლებლობა, განახლებულ „მზიურზი“ ბევრი საინტერესო პროექტი განეხორციელებინათ”, - განაცხადა ანდრია ბასილაიამ.

პროექტის მიზანია, შენობას არქიტექტურული სახე შეუნარჩუნდეს და ფუნქციური დატვირთვა შეიძინოს, რაც თავის მხრივ, ხელს შეუწყობს ქალაქის ცენტრში მდებარე პარკის კულტურული ცხოვრების გამრავალფეროვნებას.

მულტიფუნქციურ სივრცეში საზოგადოების ჯგუფებს შორის კულტურული დიალოგის წარმოება, შემეცნებით-საგანმანათლებლო, კულტურულ აქტივობებში მოქალაქეთა ჩართვა, ბავშვებისა და ახალგაზრდებისთვის კულტურული ინიციატივების გახორციელება, თანამედროვე ხელოვნების წარმომადგენლებისა და მკვლევარებისთვის ჯანსაღი სამუშაო გარემოს შექმნა და რაც მთავარია, „მზიურის“ მნიშვნელოვან ტურისტულ ადგილად ქცევა იგეგმება, სადაც დასვენებისა და განტვირთვის გარდა, ქვეყსტუმრები ადგილობრივ თუ საერთაშორისო თანამედროვე ხელოვნებაში მიმდინარე პროცესებს გაეცნობიან.

„მზიურის“ გალერეა სოციალური, არაკომერციული პროექტია, რომლის იდეასა და შესაძლებლობების განვითარებაზე ფონდი „აჰუაჰუ“ მუშაობს. ბავშვთა ქალაქში გალერეა-მედიათეკას თბილისის მერიის ინფრასტრუქტურის განვითარების საქალაქო სამსახური მოაწყობს, ხოლო შემდეგ, აღნიშნული შენობა-ნაგებობა სოციალურ საწარმოს უზუფრუქტის ხელშეკრულებით გადაეცემა. 

ავტორი: NS (სტატია დაფინანსებულია),

სოციალური ქსელები

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს

საქართველოს ბანკის საერთაშორისო სასტიპენდიო პროგრამა მოსწავლეებისთვის - ისწავლე UWC პროგრამით სასურველ ქვეყანაში

მეუფე ზენონი - არსებობს საფრთხე,სიძულვილის ენასთან ბრძოლის იდეა გადაიქცეს კონტროლის მექანიზმად