აშშ-ის კონგრესმა დაამტკიცა დოკუმენტი, რომელშიც საქართველოსთვის გამოყოფილი დახმარების 15%-ის შესაძლო შემცირების პირობებზეა საუბარი

2020-07-10 09:35:59, 3378 ნახვა

პოლიტიკა

აშშ-ის კონგრესის წარმომადგენელთა პალატის ასიგნაციების კომიტეტმა კანონპროექტი, რომელშიც საქართველოს დაფინანსების საკითხზეა საუბარი, დაამტკიცა.

აღნიშნულ კანონპრექტს მხარი დაუჭირა 29 კანონმდებელმა, ხოლო 21 წინააღმდეგი იყო.

შეგახსენებთ, რომ კანონპროექტის მიხედვით, 7 ივლისს აშშ-ის კონგრესის საბიუჯეტო კომიტეტმა დაარეგისტრირა კანონპროექტი, რომლის მიხედვითაც 2021 წლიდან საქართველოს შესაძლოა აშშ-ს დახმარება 15%-ით შეუმცირდეს. კანონპროექტის თანახმად, დახმარების 15% უნდა შეჩერდება მანამ, სანამ სახელმწიფო დეპარტამენტი არ განსაზღვრავს, რომ საქართველოში დემოკრატიული ინსტიტუტები გამყარდა, ქვეყანაში არის დემოკრატიული გარემო. ამასთანავე, ხაზგასმითაა აღნიშნული, რომ ბიზნესგარემო უნდა გაუმჯობესდეს, შემცირდეს კორუფციის დონე და გაუმჯობესდეს მთავრობის ბრძოლა კორუფციის წინააღმდეგ.

დოკუმენტს გუშინ დაემატა პუნქტები, რომლიც მიხედვითაც სახელმწიფო მდივანმა უნდა განსაზღვროს, რომ საქართველოს მთავრობა საარჩევო რეფორმას ეფექტურად ახორციელებს. ამასთანავე, სასამართლო დამოუკიდებლობას იცავს, როგორც აღმასრულებელ,ასევე საკანონმდებლო ჭრილში. ჩასწორებაში მითითებულია, რომ საქართველოს მთავრობამ ეფექტურ ნაბიჯებს დგამს საჯარო ინფორმაციის შეუზღუდავად ხელმისაწვდომობისთვის. ასევე, სახელმწიფო მდივანმა კონგრესს უნდა მიაწოდოს ინფორმაციას იმასთან დაკავშირებით, რომ მთავრობა სამოქალაქო საზოგადოების, ოპოზიციური პარტიებისა და მედიის დამოუკიდებლობას იცავს. ცვლილებებში მითითებულია ისიც, რომ საქართველოს მთავრობამ უნდა შეზღუდოს ოლიგარქების არაფორმალური ზეგავლენა ხელისუფლების ფუნქციებზე.

დოკუმენტის თანახმად, საქართველოსთვის გამოყოფილია იქნება არანაკლებ $132,025,000-ის რაოდენობის დახმარება.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან