FDA-ს მიერ 2019 წლის ნოემბერში საზოგადოებაში შეძენილი  პნევმონიის სამკურნალო ახალ ანტიბიოტიკის, ლეფამუნილის გამოყენებაზე გაიცა ნებართვა.

ლეფამულინი მოქმედებს საზოგადოებაში შეძენილი პნევმონიის  გამომწვევ გავრცელებულ პათოგენებზე, როგორიცაა Streptococcus pneumoniae, Haemophilus influenzae, Moraxella catarrhalis, Staphylococcus aureus და ატიპიურ გამომწვევებზე.

ნებართვის გაცემა ამ პრეპარატზე მოხდა რამდომიზებული, ორმაგი ბრმა კვლევის ჩატარების შემდეგ, რომელშიც საზოგადოებაში შეძენილი პნევმონიის სამკურნალოდ ლეფამულინის 5-დღიანი კურსი შედარდა მოქსიფლოქსაცინის 7 დღიან კურსს ან ლეფამულინი/მოქსიფლოქსაცინის კომბინაციას და თანაბარი ეფექტი იქნა ნანახი.

ახალი ანტიბიოტიკი გამოიყენება  პაციენტებთან საზოგადოებაში შეძენილი პნევმონიით, რომლებიც ვერ იღებენ ბეტა-ლაქტამურ ანტიბიოტიკებს და სურთ თავიდან აიცილონ ფტორქინოლონების გვერდითი ეფექტები.

საყურადღებოა, რომ ლეფამულინის კომბინაცია არ არის რეკომენდებული ბუდესონიდთან, მათ შორის, ამერიკული სტანდარტის მიხედვით, საინჰალაციო ბუდესონიდთანაც კი. რა თქმა უნდა, ანოტაციაში სხვა ჯგუფის პრეპარატებსაც შეხვდებით, რომელთან ერთადაც ლეფამულინი არ ინიშნება ან სიფრთხილით ინიშნება, თუმცა ასთმის მქონე პაციენტებში, სადაც პნევმონიის რისკი უფრო მაღალია, ამ კომბინაციას ცალსახად უნდა მოვერიდოთ.

რაც შეეხება გვერდით მოვლენებს, სხვა ანტიბიოტიკების მსგავსად ლეფამულინსაც მრავლად გააჩნია, მათ შორის Q-T ინტერვალის გახანგრძლივება, დიარეა, კლოსტრიდიული ინფექცია და სხვა, მაგრამ  გვერდითი მოვლენები, ფტორქინოლონებთან შედარებით, ნაკლებია.

საქართველოში ჯერ-ჯერობით ლეფამულინი არ არის გაყიდვაში, რაც, ალბათ, გარდა სიახლისა, ფასითაცაა გამოწვეული: ამერიკაში ამ პრეპარატის დღიური დოზის ღირებულება 200 დოლამდეა.

ნებისმიერი მედიკამენტის მირებამდე აუცილებელია დაუკავშირდეთ ექიმს, უამბოთ მას თქვენი ჩივილები და არსებული ქრონიკული დაავადებები, რა გზებით მართავთ მათ, ახლო მომავალში რა სახის მკურნალობას გადიოდით. სწორედ ამის მიხედვით გირჩევთ ექიმი ამა თუ იმ წამლის მიღებას. ექიმთან შეგიძლიათ კონსულტაცია REDMED-ის პლატფორმაზე, დისტანციურად აუდიო ან ვიდეო ზარით მიიღოთ.

წყარო: UpToDate.com

Lefamulin for the treatment of community-acquired pneumonia (November 2019)

ავტორი: R (რეკლამა),

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი