2020-07-02 12:50:53, 3781 ნახვა

---

რომან გოცირიძე - „ქართული ოცნება“ საარჩევნო კოდექსს საკუთარ თავზე ირგებს, რათა კვლავ შეძლოს მანიპულაციები და გაყალბება

ფრაქცია „ნაციონალური მოძრაობის“ თავმჯდომარის, რომან გოცირიძის განცხადებით, „ქართული ოცნება“ საარჩევნო კოდექსს საკუთარ თავზე ირგებს, რათა კვლავ შეძლოს მანიპულაციები და გაყალბება.

როგორც ოპოზიციონერმა დეპუტატმა აღნიშნა, „ნაციონალური მოძრაობა“ საარჩევნო კოდექსში შესატან ცვლილებებს მხარს არ დაუჭერს.

„ფაქტობრივად, „ქართული ოცნება“ საარჩევნო კოდექსს ირგებს საკუთარ თავზე, რათა კვლავ შეძლოს მანიპულაციები, კვლავ შეძლოს გაყალბება, მოსყიდვა, დაშინება, ადმინისტრაციული რესურსების გამოყენება და კიდევ უფრო ზღუდავს მედიის თავისუფლებას. რა თქმა უნდა, ამას მხარს არ დავუჭერთ და ჩვენ ყველანაირად მივიტანთ ჩვენს აზრს საერთაშორისო პარტნიორებთან“, - განაცხადა რომან გოცირიძემ.

შეგახსენებთ, რომ საქართველოს პარლამენტი საარჩევნო კოდექსში შესატან ცვლილებებს დღეს მეორე მოსმენით განიხილავს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი