„მოხარულები ვართ, რომ საქართველომ მიაღწია პროგრესს - ეს იყო პოლიტიკური პარტიების მოლაპარაკებების შედეგი“ , - ამის შესახებ ვიდეო კონფერენციის დროს აშშ-ს სრულუფლებიანმა ელჩმა საქართველოში კელი დეგნანმა განაცხადა.

მან ასევე აღნიშნა, რომ ეს წელი საქართველოსთვის მნიშვნელოვანი იქნება, რადგან საპარლამენტო არჩევნების შემდეგ დემოკრატია ძლიერი ეკონომიკისა და კეთილდღეობის გასაღები გახდება.

"ამერიკის შეერთებული შტატები ერთგულად უჭერს მხარს საქართველოს დემოკრატიის განვითარებას. გვჯერა, რომ ძლიერი დემოკრატია არის გასაღები ძლიერი ეკონომიკისა და კეთილდღეობის მიღწევისთვის. ეს წელი საქართველოსთვის მნიშვნელოვანი იქნება, რადგან ველოდებით საპარლამენტო არჩევნებს. ჩვენ მოხარულები ვართ საკონსტიტუციო ცვლილებების მიღებით. ეს იყო პოლიტიკური პარტიების მოლაპარაკებების შედეგი. ასევე მნიშვნელოვანია დამოუკიდებელი სასამართლო სისტემა, რომელიც პოლიტიზებული არ იქნება.

მოხარულები ვართ, რომ საქართველომ მიაღწია პროგრესს. შეერთებული შტატები საქართველოს დემოკრატიისთვის არბიტრის როლს თამაშობს. ჩვენ დიდ ინვესტიციას ვდებთ საქართველოს მომავლისთვის. საქართველოს დემოკრატიზაციის პროცესში შეერთებული შტატები სხვა პოლიტიკურ აქტორებთან ერთად მნიშვნელოვან როლს თამაშობს. ხანდახან დემოკრატიზაციის მშენებლობის პროცესში თავს იჩენს პოლარიზებული გარემო. ამ დროს აქტორების როლი კი დიდია“ ,  - განაცხადა კელი დეგნანმა.

ავტორი: ექსპრესნიუსი,

სოციალური ქსელები

ამსტერდამში ისრაელის პოლიტიკის წინააღმდეგ 200 ათასამდე ადამიანი გამოვიდა

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა