პრემიერის განცხადებით, სამართალდამცავმა სისტემამ უმოკლეს ვადაში უნდა მოახერხოს გაბუნიას ლიკვიდაციის მცდელობის გამოძიება

2020-06-26 17:38:42, 1907 ნახვა

პოლიტიკა

პრემიერ-მინისტრის, გიორგი გახარიას განცხადებით, სამართალდამცავმა სისტემამ უმოკლეს ვადაში უნდა მოახერხოს გაბუნიას ლიკვიდაციის მცდელობის საქმის გამოძიება.

როგორც გახარია აღნიშნავს, რომ ქვეყანაში სამართალდამცავმა სისტემამ სრულად უნდა უზრულნველყოს ქართველი ჟურნალისტის უსაფრთხოება, რადგან ესაა ჩვენი ქვეყნის დემოკრატიზაციისა და უსაფრთხობეის მაჩვენებელი.

„პირველი, რომ სამართალდამცავმა სისტემამ მძიმე დანაშაული აღკვეთა. მეორე, რა თქმა უნდა, სამართალდამცავმა სისტემამ სრულად უნდა უზრულნველყოს ქართველი ჟურნალისტის უსაფრთხოება, ყველანაირი კითხვის ნიშნის გარეშე, ესაა ჩვენი ქვეყნის დემოკრატიზაციისა და უსაფრთხობეის მაჩვენებელი. მესამე, სამართალდამცავმა სისტემამ უმოკლეს ვადაში უნდა მოახერხოს ამ საქმის გამოძიება, რომ მოქალაქეს მიაწოდოს ღია ინფორმაცია იმისთვის, რომ ქვეყნის მტრებს არც ქვეყნის შიგნით, არც ქვეყნის გარეთ, განსაკუთრებით საარჩევნო პერიოდში, არ მივცეთ იმის საშუალება, რომ ამ საკითხით სპეკულირება მოახდინონ“, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან