კომპანია „ფრონტერას“ სათაო ოფისი განცხადებას ავრცელებს, სადაც საქართველოს მთავრობას მოუწოდებს შეწყვიტოს, მათი ბიზნესისა და თანამშრომლების შევიწროება.

განცხადებაში „ფრონტერა“ ეკონომიკის მინისტრის განცხადებას აშშ-ს პირდაპირი ინვესტიციების გაზრდასთან დაკავშირებით სიცრუეს უწოდებს და საქართველოს მთავრობას დეზინფორმაციის კამპანიის შეწყვეტისკენ მოუწოდებს.

„ბოლო რამდენიმე კვირის განმავლობაში, დაშინების და დეზინფორმაციის შემთხვევები გაიზარდა ჩვენი ბიზნესის მიმართ. ამასთან, 23 იანვარს ეკონომიკის სამინისტრომ და ეკონომიკის მინისტრის მოადგილემ გააკეთეს საჯარო განცხადებები. ეს განცხადებები მეტყველებს იმაზე, რომ სანამ საქართველოს მთავრობა გეგმავს თვითნებურად გააუქმოს ჩვენი კონტრაქტი. პარალელურად კი სამინისტრომ განაცხადა, რომ „ყველაფერს გააკეთებს იმისათვის, რომ აშშ. კომპანიები კიდევ უფრო კომფორტულად გრძნობენ თავს…“

მივმართავთ საქართველოს მთავრობას, რომ მუდმივ მუქარასა და ჩვენი ბიზნესის შევიწროებას თავი დაანებოს.

ამასთანავე, ეკონომიკის მინისტრმა გაავრცელა მცდარი ინფორმაცია იმასთან დაავშირებით, რომ შეერთებული შტატებიდან 2020 წლის პირველ კვარტალში ინვესტიციები 34%-ით გაიზარდა და აშშ დაიკავა მეორე ადგილი ყველაზე მსხვილ ინვესტორთა შორის. ეს არის სავალალო მცდელობა, დაფარონ ის მნიშვნელოვანი გამოწვევები, რომლის წინაშე აშშ-ს კერძო სექტორის ინვესტიციები დგას“, - ვკითხულობთ განცხადებაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო