საპარლამენტო უმრავლესობის წევრის, ირაკლი კობახიძის განცხადებით, რისკი იმისა, რომ საკონსტიტუციო ცვლილებები არ გავიდეს, მიზერულია.

როგორც კობახიძემ იურიდიულ საკითხთა კომიტეტის სხდომაზე განაცხადა, საკონსტიტუციო ცვლილების პროექტის მისაღებად 113 დეპუტატის მხარდაჭერაა საჭირო, ხოლო 117 დეპუტატს დადასტურებული აქვს, რომ პროექტს მხარს დაუჭერს.

 „აქ არის ერთი პატარა ნიუანსი, ემზარ კვიციანმა დატოვა „პატრიოტთა ალიანსის" ფრაქცია. ემზარ კვიციანიც თავის დროზე შეთანხმების ნაწილი იყო. აქ ალბათ კონსულტაციები დაგვჭირდება იმასთან დაკავშირებით, რამდენად აძლევს ის ხმას საკონსტიტუციო ცვლილებებს, თუმცა ყველა შემთხვევაში გარანტირებულია, რომ 113-ზე რამდენიმე დეპუტატით მეტი მისცემს ხმას ამ საკონსტიტუციო ცვლილებების პროექტს. აქედან გამომდინარე, ვფიქრობ, რისკის ქვეშ საკონსტიტუციო ცვლილებები არ დგას. უმრავლესობის თითოეულ წევრს გაცნობიერებული აქვს, რომ ეს არის პოლიტიკური შეთანხმება, რომელსაც ხელი მოვაწერეთ საერთაშორისო პარტნიორების წინაშე. დღევანდელ უმრავლესობის შეხვედრაზე მორიგი დასტური მივიღეთ თითოეული დეპუტატისგან, იმასთან დაკავშირებით, რომ მათი მხრიდან იქნება სრული მხარდაჭერა“, - განაცხადა ირაკლი კობახიძემ.

შეგახსენებთ, რომ გაერთიანებული ოპოზიციისა და მმართველი გუნდის მიერ მიღწეული 8 მარტის შეთანხმების თანახმად, საქართველოში 2020 წლის საპარლამენტო არჩევნები შერეული საარჩევნო სისტემით, პროპორციით 120/30-ზე უნდა ჩატარდეს. ამასთან, დაწესებულია 1%-იანი ბარიერი და ე.წ. 40%-იანი ჩამკეტი მექანიზმი.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს