2020-06-19 16:19:55, 1217 ნახვა

---

მამუკა მდინარაძე - საკონსტიტუციო ცვლილებებს უმრავლესობის მხრიდან 92 დეპუტატი მხარს გარანტირებულად დაუჭერს

კიდევ ერთხელ დადასტურდა ის, რასაც მყარად და თამამად ვაფიქსირებდით - 92 დეპუტატი, რომელიც საკონსტიტუციო ცვლილებებს აქამდეც მხარს უჭერდა, ამ ცვლილებებს მხარს დაუჭერს გარანტირებულად, - ამის შესახებ უმრავლესობის ლიდერმა, მამუკა მდინარაძემ "განაცხადა.

როგორც უმრავლესობის სხდომის შემდეგ მდინარაძემ აღნიშნა, საზოგადოების განწყობა იმის იდენტურია, რაც 8 მარტის შეთანხმებაში წერია.

„დაბეჯითებით შემიძლია გითრათ, რომ ჩვენი მხრიდან სიურპრიზები არ იქნება, თუ რამე არ შემოგვთავაზა ჩვენმა რომელიმე ოპონენტმა.

შესაბამისად, პირველივე მოსმენაზე დაფიქსირდება 92 მხარდამჭერი უმრავლესობის მხრიდან და ახლა იმ დეპუტატებზეა ჯერი, რომლებმაც აქამდეც ღია მხარდაჭერა დააფიქსირეს. ამ შემთხვევაში რისკი არ იქნება საკონსტიტუციო პროექტთან დაკავშირებით“, - განაცხადა მამუკა მდინარაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი