საქართველოს მართლმადიდებელი ეკლესიის საპატრიარქო წერილს ავრცელებს, რომლითაც მიმართავს რუსეთის საპატრიარქოს და აცხადებს, რომ რუსული მხარის მიერ პარიზში ქართული სამრევლოს დაარსება ქართული მხარისთვის მიუღებელია.

აღნიშნულ წერილს ხელს საპატრიარქოს საგარეო საქმეთა განყოფილების თავმჯდომარე, მიტროპოლიტი გერასიმე აწერს.

როგორც წერილში ვკითხულობთ, საქართველოს ფარგლებს გარეთ მყოფ ქართველებზე სულიერ მზრუნველობას საქართველოს მართლმადიდებლური ეკლესია ახორციელებს და ამიტომ არის მიუღებელი რუსული მხარის მიერ ქართული სამრევლოს დაარსების სურვილი.

მათივე ინფორმაიით, რუსული მხარე ქრთველებისთვის პირველი წირვის ჩატარებას 20 ივნისს გეგმავს.

როგორც საპატრიარქოს წერილშია აღნიშნული, იმედოვნებენ, რომ ეს „გაუგებრობა“ დროულად აღმოიფხვდრება და არ გახდება ორმხრივ ურთიერთობებში „დაბრკოლების“ მიზეზი.

ცნობისთვის, ამ დღეებში სოციალურ ქსელში რუსეთის საპატრიარქოს წარმომადგენლის არქიმანდრიტ იეროთეოზის (მარგველაშვილი) განცხადება გავრცელდა, იმის შესახებ, რომ 20 ივნისს პარიზში ქართული სამრევლო იქმნება. განცხადებია მიხედვით, სამრევლო მოსკოვის საპატრიაქროს, დასავლეთ ევროპისა და სლავიანური დიასპორის მმართველის , მიტროპოლიტ იოანეს ლოცვა – კურთხევით არსდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ალ არაბია: აშშ და ირანი ურანის გამდიდრების დონეზე შეთანხმდნენ.

უკრაინამ ნოვგოროდის ოლქში მდებარე საავიაციო ქარხანას შეუტია, რომელიც სამხედრო სატრანსპორტო თვითმფრინავებს ემსახურება

როიტერი: რუსეთმა და უკრაინამ პირადად გამოხატეს მზადყოფნა ტერიტორიული გაცვლისთვის

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში