საკანონმდებლო ორგანოში „მინისტრის საათის“ ფორმატში მოხსენებისას საქართველოს თავდაცვის მინისტრმა თავდაცვის ძალების მოდერნიზაციის პროცესზე გაამახვილა ყურადღება.

როგორც ირაკლი ღარიბაშვილმა აღნიშნა, თავდაცვის ძალების გაძლიერებისა და განვითარებისთვის დღეს უკვე განხორციელდა რეფორმები და გადაიდგა ქმედითი ნაბიჯები.

„ერთ-ერთი მნიშვნელოვანი სიახლე, რომელიც მალე რეალობად იქცევა, M-4 ტიპის შაშხანებით  თავდაცვის ძალების ყველა რეგულარული ქვედანაყოფის აღჭურვას შეეხება. M-4 ტიპის შაშხანებთან ერთად დამატებით საბრძოლო ქვედანაყოფები სრულად აღიჭურვებიან ნატოს სტანდარტების თანამედროვე შეიარაღებით. ეს შესყიდვა შესაძლებელი იქნა ჩვენს მიერ, 2006-07 წლებში, ერაყში მშვიდობისა და უსაფრთხოების შენარჩუნებისა და აღდგენის ოპერაციებში, საქართველოს თავდაცვის ძალების მონაწილეობისთვის, საქართველოს მთავრობისთვის ამერიკის შეერთებული შტატების მიერ გამოყოფილი აუთვისებელი თანხებიდან, რომელიც  დაახლოებით 22 მილიონ  აშშ დოლარს შეადგენს“, - განაცხადა ირაკლი ღარიბაშვილმა.

თავდაცვის ძალების მოდერნიზაციის კონტექსტში მინისტრმა ის ძირითადი მიმართულებები გამოყო, რაც თავდაცვითი შესაძლებლობების გაძლიერებაზეა ფოკუსირებული. მან განსაკუთრებული აქცენტი ამერიკული წარმოების ჯავშანსაწინააღმდეგო სისტემა „ჯაველინზე“ გააკეთა. „ეს არის იარაღი, რომლის შესყიდვაც სრულიად წარმოუდგენელი იყო წინა, ე.წ. პროდასავლური ხელისუფლების დროს. ჩვენ უახლოეს მომავალში ვგეგმავთ დამატებით განვახორციელოთ ახალი პარტიის შეძენა, რითიც მთლიანად დაკომპლექტდება თავდაცვის ძალები“, - განაცხადა ირაკლი ღარიბაშვილმა.

მოხსენებისას თავდაცვის მინისტრმა ლოჯისტიკური და ტექნიკური შესაძლებლობების განვითარებაზეც იმსჯელა და აღნიშნა, რომ ამ მიმართულების საჭიროება მკაფიოდ გამოიკვეთა პანდემიის საპრევენციო აქტივობებში. „ჩვენ ჯარს საკმაოდ მოძველებული სპეცტექნიკით უწევს გადაადგილება და სხვადასხვა ამოცანების შესრულება, რაც არ შეესაბამება  სტანდარტს და ვგეგმავთ 480 ერთეული სპეციალური ტექნიკის შეძენას“, - განაცხადა ირაკლი ღარიბაშვილმა. 

ავტორი: NS (სტატია დაფინანსებულია),

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა