პირბადეების ტარება სავალდებულო ამ კვირიდან გახდება. ცვლილებებზე პარლამენტი დაჩქარებული წესით მსჯელობს და კანონპროექტის კვირის ბოლოს იქნება მიღებული.

ახალი წესების მიხედვით, დახურულ საჯარო სივრცეში პირბადეს გარეშე ყოფნის შემთხვევაში ფიზიკური პირი 50 ლარით დაისჯება, იურიდიული პირს კი 500 ლარიანი ჯარიმის გადახდა მოუწევს. 50 ლარიანი ჯარიმა დაიწერება იმ შემთხევაშიც, თუ მოქალაქე საზოგადოებრივ ტრანსპორტსა და მეტროში პირბადის გარეშე გადაადგილება. იგივე რეგულაციები იმოქმედებს ტაქსით გადაადგილების დროსაც და ჯარიმის ოდენობა ამ შემთხვევაშიც 50 ლარი იქნება.

გარდა ამისა, "საზოგადოებრივი ჯანმრთელობის შესახებ“ კანონით გათვალისწინებულ საკითხებთან დაკავშირებით დადგენილი იზოლაციის ან/და კარანტინის წესის დარღვევა გამოიწვევს ფიზიკური პირის დაჯარიმებას 2 000 ლარით, ხოლო იურიდიული პირისა − 10 000 ლარით. 

კანონპროექტის ინიციატორები საპარლმენტო უმრავლესობის წევრები ანრი ოხანაშვილი და დიმიტრი ხუნდაძე არიან. ისინი აღნიშნული ცვლილებების პროექტის დაჩქარებული წესით განხილვას ითხოვენ.

ავტორი: ექსპრესნიუსი,

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს

ბრალდებულმა ორი პირი ლიმონკით ააფეთქა, ერთი ადგილზე გარდაიცვალა, მეორე მძიმე მდგომარეობაში კლინიკაშია მოთავსებული

მეტროსადგური „თავისუფლების მოედანი” დროებით ვერ ემსახურება მგზავრებს

დამოუკიდებელი საქართველოს პირველი მთავრობის წევრი, აქტზე ხელმომწერი ნემო ბურჭულაძე გარდაიცვალა