სომხური-ქართული საპარალემნტთაშორისო მეგობრული ჯგუფის თავმჯდომარე ქართულ მხარეს მხარდაჭერისთვის მადლობას უხდის

2020-06-05 13:20:11, 2884 ნახვა

პოლიტიკა

სომხური-ქართული საპარალემნტთაშორისო მეგობრული ჯგუფის თავმჯდომარე, ლენა ნაზარიანი „ფეისბუკზე“ განცხადებას ავრცელებს, სადაც ქართულ მხარეს მხარდაჭერისთვის მადლობას უხდის.

„ძვირფასო ქართველო პარტნიორებო,

როგორც სომხურ-ქართული პარლამენტთაშორისი მეგობრული ჯგუფის თავმჯდომარე, გამოვხატავ ჩემს მადლიერებას ჩემი კოლეგებისა და ქართველი ხალხის მიმართ ამ რთულ მომენტში მათი მხარდაჭერის გამო.

ჩვენმა საყვარელმა ქართველმა და სომეხმა ხალხმა ათასწლეულების განმავლობაში მრავალი გამოწვევა გადალახა და მე დარწმუნებული ვარ ამ უხილავ მტერზე, კორონავირუსზე, გამარჯვებასაც ერთად ვიზეიმებთ.

დიდი მადლობა!“, - წერს ნაზარიანი.

შეგახსენებთ, რომ საქართველოს საგარეო საქმეთა მინისტრმა, დავით ზალკალიანმა სომხეთს COVID-19-ის პანდემიის შედეგად შექმნილი ვითარების გამო სოლიდარობა გამოუცხადა და საქართველოს მთავრობის სახელით კიდევ ერთხელ გამოთქვა დახმარების აღმოჩენის მზაობა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან