საქართველოს ჩოგბურთის ფედერაცია გმობს ყველა სახის ძალადობას და ბასილაშვილის საქმის შეფასებისგან თავს იკავებს

2020-05-24 19:35:16, 1413 ნახვა

საზოგადოება

საქართველოს ჩოგბურთის ფედერაცია გმობს ყველა სახის ძალადობას.

აღნიშნულის შესახებ ფედერაციის „ფეისბუქის“ გვერდზე გავრცელებულ განცხადებაშია ნათქვამი.

განცხადების თანახმად, ფედერაცია ნიკოლოზ ბასილაშვილის საქმესთან დაკავშირებით შეფასებების გაკეთებისგან გამოძიების დასრულებამდე თავს იკავებს.

„საქართველოს ჩოგბურთის ფედერაცია გმობს ყველა სახის ძალადობას. რაც შეეხება ნიკოლზ ბასილაშვილის საქმეს, მიმდინარეობს გამოძიება და გამოძიების დასრულებამდე შეფასების გაკეთებისგან თავს შევიკავებთ“, - აღნიშნულია ჩოგბურთის ფედერაციის განცხადებაში.

ცნობისთვის, ქართველი ჩოგბურთელი ნიკოლოზ ბასილაშვილი ყოფილ მეუღლეზე ძალადობის ბრალდებით 22 მაისს დააკავეს. ბასილაშვილი დღეს თბილისის საქალაქო სასამართლომ 100 000-ლარიანი გირაოს სანაცვლოდ გაათავისუფლა. სასამართლოს მომდევნო სხდომა 16 ივლისსაა ჩანიშნული.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,