სოფელ მუშევანის მკაცრ საკარანტინო ზონაში კორონავირუსით დაინფიცირებული პაციენტების თბილისში გადაყვანა ამ წუთებში აქტიურად მიმდინარეობს. მედიკოსთა სპეციალური ბრიგადებს 8 პაციენტი, მკურნალობის მიზნით, შესაბამის სამედიცინო დაწესებულებულებებში მიჰყავთ.

ინფიცირებული პაციენტების თბილისში გადაყვანის პროცესს ბოლნისის მუნიციპალიტეტის მერი დავით შერაზადიშვილი და ბოლნისის საზოგადოებრივი ჯანდაცვის სპეციალისტები აკვირდებიან.

„კარანტინის 59-ე დღეს მუნიციპალიტეტში კორონავირუსული ინფექციის 160 დადასტურებული ფაქტი გვაქვს, 3 გარდაცვალება და 66 გამოჯანმრთელება. ბოლო 48 საათში მუნიციპალიტეტიდან გადაგზავნილი 242 საკვლევი მასალიდან დაგვემატა 8 ახალი შემთხვევა და რვავე სოფელ მუშევანს უკავშირდება. გუშინ ასევე კორონავირუსი ბოჭორიშვილის კლინიკაში მყოფ მუშევანის ერთ მოქალაქეს დაუდგინდა. შემთხვევების დინამიკა არის ნორმალური და შიგადაშიგ მატებას ველით, ვინაიდან, მოგეხსენებათ სოფელი მუშევანი მუნიციპალიტეტში ყველაზე დაზიანებულია ეპიდემიოლოგიურად. რა თქმა უნდა, დღესვე დაიწყებენ ეპიდემიოლოგები სოფელში მუშაობას დადასტურებული შემთხვევების მოძიებისთვის, დღესვე მოხდება რვავე ინფიცირებულის გადაყვანა შესაბამის სამედიცინო დაწესებულებაში. მედიკოსები ყველაფერს აკეთებენ იმისთვის, რომ უახლოეს მომავალში ამ სოფელში ვითარება კიდევ უფრო დასტაბილურდეს და საბოლოოდ, ინფექციის აღმოფხვრის შემდეგ, შესაძლებელი გახდეს სოფლისთვის “წითელი ზონის“ სტატუსის მოხსნა“, - განაცხადა ბოლნისის მუნიციპალიტეტის მერმა დავით შერაზადიშვილმა.

ავტორი: NS (სტატია დაფინანსებულია),

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა