8 მარტის შეთანხმება მიმართულია პარალიზებული პოლიტიკური სისტემის დეპოლარიზაციისაკენ, - ამის შესახებ აშშ-ის საგანგებო და სრულუფლებიანმა ელჩმა საქართველოში, კელი დეგნანმა განაცხადა.

მისი თქმით, შეთანხმების მხარეებმა იციან რა პირობებზეც დათანხმდნენ.

„არ იქნება მართებული კომენტარი გავაკეთო იმ საქმეზე, რომლის განხილვაც სასამართლოში მიმდინარეობს. 8 მარტის შეთანხმება თავად განმარტავს ყველაფერს. დამატებით ახსნას აღარ საჭიროებს. მხარეებმა იციან რა პირობებია იქ, რა პირობებზე დათანხმდნენ. მისი სრული განხორციელება არის ქვეყნის ინტერესებში, რადგანაც ეს არის მიმართული პარალიზებული პოლიტიკური სისტემის დეპოლარიზაციისკენ და უკეთესი პირობების შექმნისაკენ 2020 წლის არჩევნებისათვის. ისეთი არჩევნებისათვის, რომლითაც იამაყებს ქართველი ხალხი. ამ შეთანხმების სრული განხორციელება არის მნიშვნელოვანი. ასევე მნიშვნელოვანია საარჩევნო რეფორმამ ასახოს ყველა ის რეკომენდაცია, რაც აქვს ეუთო-ოდირს. ეს რეკომენდაციები საქართველოს უკვე მიღებული აქვს 20-30 წლის განმავლობაში“, - განაცხადა კელი დეგნანმა "მთავართან" საუბრისას.

ავტორი: ექსპრესნიუსი,

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ