უმრავლესობის ყოფილი წევრი და პარლამენტის მოქმედი წევრი, დიმიტრი ცქიტიშვილი ამბობს, რომ ლგბტ თემის უფლებადამცველების აქტიურობას გარდამტეხი მნიშვნელობა ექნება საქართველოსთვის. მან ონლაინაქციაზე თქვა, რომ ამ საკითხებზე მუდმივად უნდა ისაუბრონ.

მე კარგად მახსოვს 80-იანი წლები, ძალიან კარგად მახსოვს 90-იანი წლები, მახსოვს შემდგომი პერიოდიც და მე ვიტყოდი, რომ ძალიან დიდი წარმატებები გაქვთ [ლგბტქ აქტივისტებს] მიღწეული, ძალიან ბევრი ცვლილება მოხდა ქვეყანაში. თაობაში, რომელიც მოდის და წამოიზარდა, ძალიან ბევრია სწორი დამოკიდებულება თანასწორი საზოგადოების განვითარების და ეს არის უდავოდ გამარჯვება იმ კონკრეტული ადამიანების, თუნდაც იმ დაღუპული ადამიანების, რომლებიც უთანასწორო ცხოვრებას შეეწირნენ და გახდნენ მსხვერპლი. მაგრამ ქვეყანაში არის ცვლილებები და ჰომოფობია ნამდვილად დაძლევადია.

მინდა გულწრფელად გითხრათ, რომ ოდესღაც მეც ვიყავი ჰომოფობიური შეხედულებების, 90-იან წლებში, როცა იმ დინამიკაში ვცხოვრობდი და მე თუ დავძლიე, ალბათ დაძლევს ყველა, რადგან ეს არ არის განუკურნებელი. ეს არის განკურნებადი და ჰომოფობია დაიძლევა. ამიტომაც ჩვენ აუცილებლად მივაღწევთ იმას, რომ ზუსტად ჰომოფობია იქნება მარგინალური და დავინახავთ, რომ შესაძლებელია თანასწორ საზოგადოებაში ცხოვრება."  - განაცხადა დიმიტრი ცქიტიშვილმა.
დიმიტი ცქიტიშვილი "ქართული ოცნების" კვოტით შესული დეპუტატია.

ავტორი: ექსპრესნიუსი,

სოციალური ქსელები

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა

სოფელ ხრამში კაცის ცხედარი იპოვეს