მივესალმები პოლიტპატიმრების შეწყალებას - როგორ გამოეხმაურნენ ევროპარლამენტარები ზურაბიშვილის გადაწყვეტილებას

2020-05-16 12:26:56, 1799 ნახვა

პოლიტიკა

გიგი უგულავასა და ირაკლი ოქრუაშვილის შეწყალებას ევროპარლამენტარები გამოეხმაურნენ.

როგორც ევროპარლამენტარი მარინა კალიურანდი სოციალურ ქსელ „ტვიტერში“ წერს, უგულავასა და ოქრუაშვილის გათავისუფლება, დაძაბულობის განსამუხტად გადადგმული ნაბიჯია.

„მივესალმები გიგი უგულავასა და ირაკლი ოქრუაშვილის გათავისუფლებას, როგორც დაძაბულობის განსამუხტად გადადგმულ ნაბიჯს. მოვუწოდებ მხარეებს ვიმუშავოთ ერთობლივად, რათა შესრულდეს 8 მარტის შეთანხმება, - წერს კალიურანდი.

ევროპარლამენტარი ანა ფოტიგა წერს, რომ საქართველოს მოქალაქეები იმსახურებენ პროგრესს და ის მიესალმება პრეზიდენტის მიერ გადადგმულ ნაბიჯს.

„მივესალმები საქართველოს პრეზიდენტის სალომე ზურაბიშვილის მიერ პოლიტიკური პატიმრების, გიგი უგუალვას და ირაკლი ოქრუაშვილის შეწყალებას. საქართველოს მოქალაქეები იმსახურებენ მხოლოდ პროგრესს. ველოდები 2020 წლის არჩევნების თავისუფლად და სამართლიანად ჩატარებას“, - წერს ანა ფოტიგა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან