2020-05-11 16:36:45, 1532 ნახვა
პოლიტიკა
გახარია - დარწმუნებული ვარ, „ქართული ოცნების“ ახალი სახე ვეღარ ვიქნები, რადგან ერთხელ უკვე ვიყავი
დარწმუნებული ვარ „ქართული ოცნების“ ახალი სახე ვეღარ ვიქნები, რადგან ერთხელ უკვე ვიყავი, - ასე უპასუხა პრემიერ-მინისტრმა გიორგი გახარიამ ჟურნალისტების კითხვას, რომელიც არჩილ თალაკვაძის განცხადების შეფასებას შეეხებოდა, რომლის თანახმადაც „ქართული ოცნება“ ახალ სახეებს ეძებს.
გახარია არ გამორიცხავს, რომ საარჩევნო კამპანიის დროს შესაძლოა ისევ პრემიერ-მინისტრის თანამდებობა ეკავოს.
„ყველაფერი შეიძლება, დარწმუნებული ვარ, „ქართული ოცნების“ ახალი სახე ვეღარ ვიქნები, რადგან ერთხელ უკვე ვიყავი, ამაში დარწმუნებული ვარ. მე ჩემს გუნდთან ერთად ვარ, ერთხელ ვთქვი უკვე, მაშინ გაზაფხულს ველოდებოდით, ახლა შემოდგომას დაველოდოთ და შემოდგომას დავითვალოთ წიწილები“, - განაცხადა გიორგი გახარიამ.
ავტორი: ექსპრესნიუსი,
epn.ge (@expressnews.ge)
