ჩვენ ელჩს გამოვიწვევთ მხოლოდ იმიტომ, რომ გავიაროთ კონსულტაციები იმის თაობაზე როგორ დავიცვათ ეს ურთიერთობები ამ ავანტიურისტებისგან, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, ხელისუფლება უკრაინასა და საქარტველოს შორის არსებულ სტრატეგიულ პარტნიორობას კითხვის ნიშნის ქვეშ არ დააყენებს.

"ქართველები და უკრაინელები ვართ არამარტო სტრატეგიული პარტნიორები, არამედ ჩვენ გვაკავშირებს ბევრი წლების თანამშრომლობის ისტორია. რა თქმა უნდა, ჩვენ ამ სტრატეგიულ პარტნიორობასა და ჩვენს ქვეყნებს, ხალხებს შორის ძმობას კითხვის ნიშნის ქვეშ უპასუხისმგებლო პოლიტიკოსების გამო არ დავაყენებთ. თუმცა, რა თქმა უნდა, ჩვენ ელჩს გამოვიწვევთ, მაგრამ ეს არ ნიშნავს იმას, რომ ჩვენ კითხვის ნიშნის ქვეშ დავაყენებთ დიპლომატიურ და სტრატეგიულ ურთიერთობას. ჩვენ ელჩს გამოვიწვევთ მხოლოდ იმიტომ, რომ გავიაროთ კონსულტაციები იმის თაობაზე როგორ დავიცვათ ეს ურთიერთობები ამ ავანტიურისტებისგან იმიტომ, რომ სხვანაირად რ გავაკეთოთ იმისთვის, რომ დავიცვათ სტრატეგიული ურთიერთობა მათგან", - განაცხადა გიორგი გახარიამ.

შეგახსენებთ, რომ საქართველოს მესამე პრეზიდენტი, მიხეილ სააკაშვილი უკრაინაში რეფორმების საბჭოს ხელმძღვანელად დაინიშნა. საპასუხოდ საქართველოს საგარეო საქმეთა სამინისტრომ უკრაინაში საქართველოს ელჩი გამოიძახა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო