მთავრობის ადმინისტრაციის ადამიანის უფლებათა სამდივნო ადამიანის უფლებათა დაცვის ახალი ეროვნული სტრატეგიის დოკუმენტზე მუშაობას აგრძელებს. დღეს ადამიანის უფლებათა სამდივნოს უფროსმა, ანა ბუჩუკურმა და პრემიერ-მინისტრის მრჩეველმა ადამიანის უფლებათა დაცვისა და გენდერული თანასწორობის საკითხებში, ლელა აქიაშვილმა, გაეროს განვითარების პროგრამისა (UNDP) და ნორვეგიის საგარეო საქმეთა სამინისტროს მიერ მოწვეულ საერთაშორისო ექსპერტთან, მეგი ნიკოლსონთან, ვიდეოკონფერენცია გამართეს.

ვიდეოკონერენციაში ასევე მონაწილეობა მიიღეს გაეროს განვითარების პროგრამისა და გაეროს ადამიანის უფლებათა უმაღლესი კომისრის ოფისის (OHCHR) წარმომადგენლებმა, ასევე, ადგილობრივმა ექსპერტებმა, თამარ ქალდანმა და გიორგი ჩხეიძემ.

შეხვედრაზე განიხილეს საქართველოს ადამიანის უფლებათა დაცვის ახალი ეროვნული სტრატეგიის შემუშავების პროცესი და უახლოესი გეგმა, ასევე, ხაზი გაესვა ამ პროცესში ყველა შესაბამისი უწყების/ორგანიზაციის ჩართულობის მნიშვნელობას.

ახალი ეროვნული სტრატეგიის შემუშავება ადამიანის უფლებების უწყებათაშორისი საბჭოს მთავარ პრიორიტეტს წარმოადგენს, შესაბამისად, სამდივნო მომავალშიც აქტიურად განაგრძობს მუშაობას ყველა დაინტერესებულ მხარესთან ერთად.

ავტორი: ექსპრესნიუსი,

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება