ევროპარლამენტარი საქართველოს პრემიერ-მინისტრს, გიორგი გახარიას, პრეზიდენტ სალომე ზურაბიშვილსა და პარლამენტის თავმჯდომარეს, არჩილ თალაკვაძეს, ღია წერილით მიმართავს.

ევრონესტის ვიცე-პრეზიდენტი ენდრიუს კუბილიუსი წერს, რომ 8 მარტს მიღწეული შეთანხმება აუცილებელია, რომ შესრულდეს. მისი თქმით, წინააღმდეგ შემთხვევაში შეთანხმების შეუსრულებლობა პოლარიზაციის გაღრმავებას შეუწყობს ხელს.

„რამდენიმე თვის წინ, ბევრი რამ დავწერე საქართველოს პოლიტიკურ კრიზისის შესახებ, ასევე ჩვენი ძალისხმევის შესახებ, რომლის საშუალებითაც დავეხმარეთ მმართველ პარტიას და ოპოზიციას, რათა მიეღწიათ შეთანხმებისთვის და იმ კრიზისის დაძლევისთვის, რომელიც საერთაშორისო ნდობას მოიტანდა. მოხარული ვარ, რომ 8 მარტის შეთანხმებას მიაღწიეს“, - წერს კუბილიუსი.

წერილში ანდრიუს კუბილიუსი საუბრობს ირაკლი ოქრუაშვილი, გიგი უგულავას და გიორგი რურუას  საქმეზე და აღნიშნავს, რომ მათი პატიმრობაში დატოვება ეჭვქვეშ აყენებს 8 მარტის შეთანხმებას.

„სამწუხაროდ, არსებობს საფრთხე, რომ პოლარიზება კვლავ აღდგება, რაც იმას ნიშნავს, რომ შეთანხმების შესაბამისად, მომავალი არჩევნების ჩატარების საკითხი ეჭვქვეშაა“, - განაცხადა კუბილიუსმა.

ევროპარლამენტარი ღია წერილში საუბრობს იმაზეც, რომ გლობალური პანდემიის მიერ გამოწვეული სხვადასხვა პრობლემის მიუხედავად, 8 მარტის შეთანხმების განხორციელების საკითხს თვალს ადევნებენ.

"მთავრობისთვის საჭიროა მკაფიო მოწოდება, რომ უზრუნველყოს საჭირო პირობები 2020-ს არჩევნებისთვის“, - აღნიშნავს კუბილიუსი.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება