ახალქალაქისა და კუმურდოს მიტროპოლიტმა, მეუფე ნიკოლოზმა კომენტარი გააკეთა გუშინ, მამა ანდრია სარიას მიერ გავრცელებული ჩანაწერის შესახებ და აღნიშნა, რომ თუ ეს სიმართლეა, ეს ქვეყნის დასასრულს ნიშნავს.

მანვე აღნიშნა, რომ მათ ახლა სისულელის დრო არ აქვთ და სჯობს სხვა საქმეებს მიხედონ.

„თუ ეს მართალია მაშინ ეს ნიშნავს ქვეყნის დასასრულს. თუ ეკლესიაა ამაში დამნაშავე, თუ პატრიარქი ამაშია დამნაშავე, მაშინ აღარაფერი არსებობს. თუ ასეთი მნიშვნელოვანია, რა დროს პანდემიაა ჯერ ეს საკითხი უნდა განხილულიყო და თვითონ, ვინც ამ საკითხებს აყენებენ, აზრადაც არ მოსვლიათ, რომ ადრე ეთქვათ რაიმე. დამთავრდა პანდემია და ახლა გაახსენდა და პასუხი აქ არის, სისულელის დრო არ გვაქვს სჯობს სხვა საქმეებს მივხედოთ“, - განაცხადა მეუფე ნიკოლოზმა.

შეგახსენებთ, რომ გუშინ მამა ანდრია სარია სოციალურ ქსელში სექსუალური შევიწროების შესახებ აუდიოჩანაწერი გამოაქვეყნა, რომელიც საპატრიარქოში მოხდა.

ჩანაწერის მიხედვით, ინციდენტის შესახებ საპატრიარქოს მაღალი იერარქები ინფორმირებულნი იყვნენ, თუმცა მღვდელმთავრებმა დუმილი ამჯობინეს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის