აჭარის უმაღლესი საბჭო, მთავრობის მიერ წარდგენილ ფინანსურ დოკუმენტს განიხილავს.

სხდომა ხმაურის ფონზე მიმდინარეობდა.

ერთმანეთს „ნაციონალური მოძრაობისა“ და მმართველი გუნდის წარმომადგენლები სიტყვიერად დაუპირისპირდნენ.

როგორც ცნობილი გახდა, სიტყვიერი დაპირისპირება გამოიწვია „ნაციონალური მოძრაობის“ წევრის განცხადებამ.

„ერთიანი ნაციონალური მოძრაობის" წევრმა, ელგუჯა ბაგრატიონმა განაცხადა, რომ 20 მილიონი ლარი კოვიდ19-ის წინააღმდეგ ბრძოლისთვის საკმარისი არაა.

„ბიუჯეტს საგანგებო არ შეიძლება ეწოდოს იქიდან გამომდინარე, რომ 20 მილიონი ლარი საგანგებო ბიუჯეტი სასაცილოა.

თავისუფლად შეიძლება გამოთავისუფლდეს ნახევარი მილიონი ლარი და რა თქმა უნდა, ამან გამოიწვია მათი გაღიზიანება. არ უნდათ მათ კომფორტის მოშლა“, - განაცხადა ელგუჯა ბაგრატიონმა.

რაც შეეხება მმართველ გუნდს, აჭარის უმაღლესი საბჭოს თავმჯდომარის, დავით გაბაიძის განცხადებით, „ნაციონალური მოძრაობის“ წევრის განცხადება დემაგოგიაა და მეტი არაფერი.

„გუშინ ამ ყველაფერს ჩვენ დემაგოგია ვუწოდეთ. ეს დემაგოგიაა და მეტი არაფერი. არც ერთი საქმიანი შენიშვნა, დაახლოებით ერთი საათია ვმუშაობთ, არ მოგვისმენია“, - განაცხადა დავით გაბაიძემ.

ცნობისთვის, აჭარის მთავრობის სხდომა კლავ მიმდინარეობს. სხდომაზე საგანგებო ბიუჯეტი უნდა დაამტკიცონ. სხდომას 21 დეპუტატიდან 19 ესწრება. როგორც ცნობილია, ბიუჯეტის დასამტკიცებლად 11 ხმაა საჭირო.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გოცირიძე: ხალხი ისევ მოატყუეს, 15 დასახელების პროდუქტზე ფასდაკლების დაპირება ბლეფი იყო

ბიზნესმენი ნიკა ლომია აფხაზეთის სკოლის კურსდამთავრებულების განათლებას დააფინანსებს

ივანიშვილის წარმომადგენელი ბოჭორიშვილი განმარტავს, რატომ არ დაუჭირა მხარი, პუტინის წინააღმდეგ ტრიბუნალის შექმნას

ოცნების რეჟიმმა მხარი არ დაუჭირა იმ ადამიანის გასამართლებას, ვინც 412 ქართველის მოკლა და ანწუხელიძე აწამა