2020-04-30 12:59:16, 1959 ნახვა

---

კახეთი „მწვანე ზონის“ სტატუსს ინარჩუნებს, ამ დროისთვის კოვიდ-19-ით ინფიცირების შემთხვევა არ დაფიქსირებულა

კახეთის რეგიონსში ეპიდემიოლოგიური მდგომარეობა სტაბილურია, ამ დროისთვის არცერთი კოვიდ-19-ის ლაბორატორიულად დადასტურებული შემთხვევა არ ფიქსირდება - ამის შესახებ, დაავადებათა კონტროლის ეროვნული ცენტრის, კახეთის განყოფილების უფროსმა, ნელი ხიზანიშვილმა „კახეთის ხმის“ პირდაპირ ეთერში განაცხადა.

მან ასევე აღნშნა, რომ გაფართოებული მიზნობირივი ტესტირებების ფარგლებში მედ ცხელების ცენტრის და სასწრაფოს მედპერსონალს უტარდება ტესტირებები.

„კახეთის რეგიონში ეპიდემიოლოგიური მდგომარება სტაბილურია, ამ დროისთვის არცერთი კოვიდ-19-ის ლაბორატორიულად დადასტურებული შემთხვევა არ ფიქსირდება. ყოველდღიურ რეჟიმშ ხდება ნიმუშების აღება, როგორც ცხელების ცენტრიდან ასევე კარანტინის სინრცეებიდან და იგზავნება კვლევაზე ლუგარის ცენტრში.

 რაც შეეხება გაფართოებულ ტესტირებებს, მოგეხსენებათ საქართველოში მიზნობრივი გაფართოებული ტესტირებები, რომლებიც მაღალი რისკის ჯგუფებს ეხება, პირველ რიგში სამაედიცინო პერსონალს. კახეთში უკვე დაწყებულია სასწრაფო დახმარების განყოფილების და ეგრეთწოდებული ცხელების ცენტრის მედპერსონალის ტესტირება. ასეთი სულ 620 ადამიანია და მიმდინარე კვირაში მათი ტესტირება დამთავრდება. ამის შემდეგ დაიწყება უკვე დანარჩენი მედპერსონალის და სხვა მაღალი რისკის ქვეში მყოფ ჯგუფების ტესტირება“, - განაცხადა ნელი ხიზანიშვილმა.

 

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი