„ერთიანი ნაციონალური მოძრაობის“ წევრი, სალომე სამადაშვილი პრეზიდენტ სალომე ზურაბიშვილის განცხადებას გამოეხმაურა და განაცხადა, რომ მსგავსი განცხადებები ჩვენი ქვეყნის ინტერესების წინააღმდეგ არის მიმართული.

მისივე თქმით, პრეზიდენტის განცხადება ქვეყნის ინტერესების წინააღმდეგაა მიმართული  განსაკუთრებით იმ ფონზე, როდესაც სალომე ზურაბიშვილი დღემდე არ მიუწვევია პრეზიდენტ ზელენსკის ოფიციალური ვიზიტით უკრაინაში და ეს ვიზიტი არაერთხელ გადადო უკრაინულმა მხარემ.

„სალომე ზურაბიშვილის განცხადება იყო მიმართული ჩვენი ქვეყნის სტრატეგიული ინტერესების, სახელმწიფო ინტერესების წინააღმდეგ. იმიტომ, რომ დღეს საქართველოს არ ჰყავს უკრაინაზე უკეთესი მოკავშირე, რაც შეეხება როგორც ჩვენი ტერიტორიების ოკუპაციის თემის წამოწევას საერთაშორისო ასპარეზზე, ასევე ნატოსა და ევროკავშირში ინტეგრაციას.

მიხეილ სააკაშვილი იქნება ვიცე-პრემიერის თუ რაიმე სხვა თანამდებობაზე, სავარუდოდ, მნიშვნელოვან როლს ითამაშებს უკრაინის პოლიტიკაში და მსგავსი განცხადებები ჩვენი ქვეყნის ინტერესების წინააღმდეგ არის მიმართული. განსაკუთრებით იმ ფონზე, როდესაც სალომე ზურაბიშვილი დღემდე არ მიუწვევია პრეზიდენტ ზელენსკის ოფიციალური ვიზიტით უკრაინაში და ეს ვიზიტი არაერთხელ გადადო უკრაინულმა მხარემ“, - განაცადა სალომე სამადაშვილმა.

შეგახსენებთ, რომ სალომე ზურაბიშვილმა გუშინ სააკაშვილის ვიცე-პრემიერად შესაძლო დანიშნის საკითხს გამოეხმაურა და განაცხადა, რომ „ყოვლად გაუგებარია უკრაინის ხელისუფლებაში იმ ადამიანის ნებისმიერ საჯარო პოზიციაზე შერჩევა, რომლის დანაშაულებრივი ქმედებები ფიგურირებს არა მხოლოდ ქართული მართლმსაჯულების განაჩენში, არამედ ადამიანის უფლებათა ევროპული სასამართლოს შესაბამის ვერდიქტში. აღარაფერს ვიტყვი იმაზე, რომ ის მძიმე კოროფციულ დანაშაულებშია ბრალდებული“.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო