აბსოლუტურად სწორია, რასაც ამბობს პრემიერი, რადგან ის ამას საერო პოზიციიდან ამბობს, - ასე ეხმაურება ახალქალაქის, კუმურდოს და კარის მიტროპოლიტი, ნიკოლოზ ფაჩუაშვილი პრემიერ-მინისტრ გიორგი გახარიას განცხადებას, რომლის თანახმადაც ერთი კოვზით ზიარება ინფიცირების უდიდესი რისკის შემცველია.

მიტროპოლიტის თქმით, პრემიერ-მინისტრი და ექიმები ვალდებულები არიან, რომ ეს თქვან.

„აბსოლუტურად სწორია, რასაც ამბობს პრემიერ-მინისტრი გახარია იმიტომ, რომ ის ამას საერო პოზიციიდან ამბობს და ჩვენ ამას ვამბობთ საეკლესიო და ღვთიური პოზიციიდან, რომ არ არის საფრთხის შემცველი. პრემიერ-მინისტრი და ექიმები ვალდებულები არიან, რომ ეს თქვან, მაგრამ ჩვენ ვამბობთ იმას, რომ არსებობს ღმერთი, იესო ქრისტე, რომელიც თავის სისხლს და ხორცს გვაძლევს საჭმელად და სასმელად. ამაზე რას იტყვიან პრემიერმინისტრი და ექიმები? ვერაფერს ვერ იტყვიან იმიტომ, რომ ეს არის მისტიკა, ეს არის საიდუმლოება და ამ საიდუმლოების ძალით ხდება სასწაული“, - განაცხადა მიტროპოლიტმა ნიკოლოზმა.

შეგახსენებთ, რომ პრემიერ-მინისტრმა გიორგი გახარიამ ერთი კოვზით ზიარების მაღალი რისკის შესახებ მას შემდეგ ისაუბრა, რაც ჯანდაცვის მინისტრმა, ეკატერინე ტიკარაძემ, თქვა, რომ ვერ იტყვის, ერთი კოვზით ზიარებით მოხდება თუ არა ვირუსის გადატანა, რადგან ამაზე სამეცნიერო კვლევა ჯერ არ ჩატარებულა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო