2020-04-23 17:44:28, 2143 ნახვა
პოლიტიკა
რატი იონათამიშვილი - ჩვენი ინტერესია, რომ კანონით დადგენილ ვადებში ჩატარდეს არჩევნები
„ჩვენი ინტერესია, რომ კანონით დადგენილ ვადებში ჩატარდეს არჩევნები“, - ამის შესახებ ფრაქცია „ქართული ოცნების" თავმჯდომარე რატი იონათამიშვილმა განაცხადა.
როგორც მან აღნიშნა, არჩევნების დროულად ჩატარება ჭირდება ჩვენს ქვეყანას და ჩვენი ქვეყნის დემოკრატიულ განვითარებას.
მისი თქმით, ის პოლიტიკური ძალები ვინც ამ თემით საზოგადოებაში დისონანსის შეტანას ცდილობს, თვითონვე არიან დაინტერესებული რომ არჩევნები დადგენილ ვადებში არ ჩატარდეს.
„მე ვფიქრობ, რომ ის პოლიტიკური ძალები, რომლებიც საარჩევნო თარიღის გადადებასთან დაკავშირებით ცდილობენ საზოგადოებაში გარკვეული დისონანსი შეიტანონ, თვითონ არიან დაინტერესებული, რომ ეს მოხდეს“, - განაცხადა რატი იონათამიშვილმა.
ავტორი: ექსპრესნიუსი,
epn.ge (@expressnews.ge)
