აჭარის მთავრობის თავმჯდომარე თორნიკე რიჟვაძემ ინფექციური საავადმყოფოს დირექტორთან თენგიზ ცერცვაძესთან და აჭარის ჯანდაცვის მინისტრთან ერთად აჭარაში Covid-19 მართვაში ჩართული სამედიცინო დაწესებულებები დაათვალიერა და კლინიკებში არსებული სერვისების მიწოდების ხარისხს ადგილზე გაეცნო.

,,ჩვენ ვნახეთ რესპუბლიკური საავადმყოფო, პირადად მთავრობის თავმჯდომარე ბატონი თორნიკე ბრძანდებოდა და მართალი გითხრათ ყოველგვარ მოლოდინს გადააჭარბა იმან, რაც ვნახე. ეს არის, ყოველგვარი შელამაზების გარეშე, საერთაშორისო სტანდარტების საავადმყოფო თავისი დიზაინით, აღჭურვილობით და ინფრასტრუქტურით ", - ამის შესახებ ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ხელმძღვანელმა თენგიზ ცერცვაძემ განაცხადა.

რესპუბლიკური საავადმყოფოს ახალი შენობა ცხელების ნიშნების მქონე და Covid-19 ინფიცირებული პაციენტების მისაღებად უმოკლეს დროში აღიჭურვა, რამდენიმე დღის წინ ოფიციალურად გაიხსნა და ამ ეტაპზე უკვე მიიღო 20 პაციენტი. შექმნილი ეპიდემიოლოგიური სიტუაციიდან გამომდინარე საავადმყოფოს სასწრაფო წესით აღჭურვისათვის შეძენილ იქნა დამატებით 27 მართვითი სუნთქვის აპარატი, 170 მრავალფუნქციური და საპალატე საწოლი, სამედიცინო აპარატები და აღჭურვილობა, რაც საჭიროა პაციენტთა სრული სერვისისთვის. აჭარაში კორონავირუსისა და ასევე, ცხელების ნიშნების მქონე პაციენტების სამართავად ჯამში 4 კლინიკაა მობილიზებული.

თენგიზ ცერცვაძის თქმით საავადმყოფო კარგ დროს გაიხსნა, ახლა, როდესაც ქვეყანას ძალიან სჭირდება თანამედროვე კლინიკები, რომლებიც მზად არიან მიიღო პაციენტები და საუკეთესო სტანდარტებით უმკურნალოს.

პროფესორ თენგიზ ცერცვაძის შეფასებით ბათუმის კლინიკა „მედალფა" არის ერთ-ერთი საუკეთესო. „ძნელია ასე ცალსახად თქვა, მაგრამ გადაჭარბების გარეშე, ერთ-ერთი საუკეთესო კლინიკაა საქართველოში, სადაც Covid-19-ით ინფიცირებულებს მკურნალობენ უმაღლესი საერთაშორისო სტანდარტებით, ყველა გაგებით. კლინიკა გამორჩეულია ინოვაციური მიდგომით. ექიმები და მენეჯმენტი იყენებს ყველა სიახლეს, რაც კი არსებობს მსოფლიოში და რაც ნებადართულია ოფიციალურად", - განაცხადა თენგიზ ცერცვაძემ მედიასთან, ბათუმის კლინიკა „მედალფაში" სტუმრობის შემდეგ.

ავტორი: NS (სტატია დაფინანსებულია),

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის