"ჩემი ყველაზე დიდი ოცნებაა, რომ ჩვენი ჯარი ძალიან მალე იყოს ყველაზე უკეთესად ჩაცმული, ეკიპირებული, გაწვრთნილი, შეიარაღებული და სამაგალითო. სწორედ ამ მიზნისკენ მიმავალ გზაზე ძალიან მნიშვნელოვანი რეფორმები და ღონიძიებები დავგეგმე, რომელიც ჩემ გუნდთან ერთად წამოვიწყე და მას წარმატებით მივყვები", - ამის შესახებ თავდაცვის მინისტრმა ტელეკომპანია „იმედის“ გადაცემა „ღია ეთერში“ განაცხადა.

ირაკლი ღარიბაშვილმა უწყებაში დაგეგმილ ფართომასშტაბიან ინფრასტრუქტურულ პროექტებზე ისაუბრა და აღნიშნა, რომ სამშენებლო სამუშაოები სამხედრო ბაზებზე არ შეჩერდება და გეგმის მიხედვით განხორციელდება.

მინისტრის განცხადებით, მაისში სამხედრო ქალაქის მშენებლობა დაიწყება, სრული რეაბილიტაცია ჩაუტარდება 250 ობიექტს, ყველა ყაზარმასა და სამხედრო ბაზას.

„ეს უნდა იყოს სამაგალითო მთელს რეგიონში. მაისისთვის ჩვენ დაახლოებით 5 ათას მუშას დავიქირავებთ 250 ობიექტის ინფრასტრუქტურული პროექტების განსახორციელებლად, ამისთვისაც ძალიან ზუსტი პროტოკოლი გვაქვს გაწერილი. მშენებლებს ექნებათ ცალკე კორიდორი და იზოლირებული შესასვლელი სამუშაო ტერიტორიაზე. ყველაფერი ცალკე ექნებათ მოწყობილი ისე, რომ არანაირი კონტაქტი არ ჰქონდეთ ჩვენ სამხედროებთან. არ ვგეგმავთ არაფრის შეჩერებას და წლის ბოლომდე, გამოყოფილი ბიუჯეტის 100 მილიონის ფარგლებში ჩვენ ამ პროექტების დასრულებას ვგეგმავთ“, - განაცხადა ირაკლი ღარიბაშვილმა.

მინისტრის თქმით, სულ რაღაც ერთ თვეში ქართველ სამხედროებს ექნებათ ყველაზე საუკეთესო, ამერიკული სტანდარტის ფორმები და იგივე ფეხსაცმელი, რაც დღეს გერმანიის არმიას აცვია. „ჩვენ არა მხოლოდ ინფრასტრუქტურაზე ვზრუნავთ, არამედ ქვეყნის თავდაცვისუნარიანობის გაძლიერებაზე და ზოგადად, შეიარაღების მიმართულებითაც ძალიან მნიშვნელოვანი სიახლეები გვაქვს, რომელსაც ძალიან მალე გავაცნობთ საზოგადოებას“, - აღნიშნა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი