პრემიერ-მინისტრის მრჩეველის ეკონომიკურ საკითხში, ბექა ლილუაშვილის განცხადებით, საერთაშორისო სავალუტო ფონდთან მიღწეული შეთანხმება, მიანიშნებს იმაზე, რომ ქვეყანაში ძლიერი მაკროეკონომიკური მენეჯმენტია.

მისივე თქმით, აღნიშნული ხელს შეუწყობს, რომ სხვა დონორმა ორგანიზაციებმაც თავისუფლად შეძლონ საქართველოს ეკონომიკისთვის დამატებითი ფინანსების გამოყოფა.

"გვაქვს პირველადი შეთანხმება ჩვენს პარტნიორ დონორ ორგანიზაციებთან, რომ დაახლოებით ერთ-ნახევარი მილიარდი დოლარის მობილიზებას შეძლებს სახელმწიფო საბიუჯეტო დახმარებების სახით, ასევე საერთაშორისო საფინანსო ორგანიზაციები მზად არიან იმისთვის, რომ დაახლოებით ამოდენივე  რესურსი მიაწოდონ კერძო სექტორს მათი მოთხოვნის შესაბამისად. 

გარდა ამ შეთანხმებისა, მათ შორის ჩვენ მივაღწიეთ სხვა შეთანხმებას. ამ შეთანხების ფარგლებში ფონდი გაფართოებული დაფინანსების მექანიზმის პროგრამის ფარგლებში, გამოყოფს დამატებით დაფინანსებას ქვეყნის ეკონომიკის მხარდასაჭერად. საიდანაც დაახლოებით ორასი მილიონი დოლარი მიემართება პირდაპირი საბიუჯეტო მხარდაჭერის  მიმართულებით, ხოლო დაახლოებით ორასი მილიონი დოლარი მიმემართება საქართველოს ეროვნული ბანკის მიმართულებით.

ფონდთან მიღწეული შეთანხმება არ არის მხოლოდ უბრალოდ შეთანხმება, ეს გულისხმობს იმას, რომ ქვეყანაში არის ძლიერი მაკროეკონომიკური მენეჯმენტი. ეს არის მოცემულობა სხვა ყველა დონორი ორგანიზაციისთვის, რომ მათ ქვეყანაში შეუძიათ თავისუფლად გამოყონ ქვეყნისთვის დამატებითი ფინანსური რესურსები", - განაცხადა ბექა ლილუაშვილმა. 

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი