2020-03-27 11:24:24, 1338 ნახვა
ომი უკრაინაში
ბოჭორიშვილის სახელობის კლინიკაში, კორონავირუსის ინფექციით მოთავსებული 2 წლის ბავშვის ჯანმრთელობის მდგომარეობა სტაბილურია
ვახტანგ ბოჭორიშვილის სახელობის კლინიკის ექიმ ინფექციონისტის, მეგი კობახიძის განცხადებით, კორონავირუსით ინფიცირებული 2 წლის ბავშვის ჯანმრთელობის მდგომარეობა ამ დროისთვის სტაბილურია.
ექიმის თქმით, კლინიკის ბოქსირებულ განყოფილებაში მკურნალობის კურსს 16 პაციენტი გადის, საიდანაც ხუთი კორონავირუსით ინფიცირებულია.
„ამ ეტაპზე, ჩვენი კლინიკის ბოქსირებულ დეპარტამენტში მკურნალობას გადის 16 პაციენტი. აქედან ხუთი არის დადასტურებული შემთხვევა. ამ ხუთიდან სამ პაციენტთან არის პნევმონია და მათი მდგომარეობა საყურადღებოა. გუშინ დაგვემატა ერთი ბავშვი. მისი ჯანმრთელობის მდგომარეობა ამ ეტაპზე სტაბილურია, მიმდინარეობს შესაბამისი მკურნალობა და დიაგნოსტიკური კვლევები დინამიკაში“, - განაცხადა მეგი კობახიძემ.
ავტორი: ექსპრესნიუსი,
epn.ge (@expressnews.ge)
