სამი ახალი ინფიცირებულიდან თბილისის ინფექციურ საავადმყოფოში ერთი პაციენტი იმყოფება. ინფექციური საავადმყოფოს სამედიცინო დირექტორის თქმით, ეს პაციენტი ესპანეთიდანაა ჩამოსული.

"ჩვენი ცენტრის შემთხვევა, ეს არის შემოტანილი შემთხვევა ესპანეთიდან, დანარჩენი ორი შემთხვევის შესახებ ჯერჯერობით არაფერი არ ვიცი", - განაცხადა მარინა ეზუგბაიამ.

ეზუგბაიას თქმით, მათ ცენტრში მოთავსებული ერთი ახალი ინფიცირებული თვითიზოლაციაში იმყოფებოდა, მისი კონტაქტები კი ცნობილია.

მისივე თქმით, პაციენტი ახალგაზრდაა, ამ ეტაპზე კი მისი ჯანმრთელობის მდგომარეობა სტაბილურია.

„დღეისთვის საქართველოში 47 შემთხვევა დასტურდება. აქედან ერთი ახალი ჩვენი ცენტრის არის. გუშინ ჩვენთან 21 ტესტი ჩატარდა პაციენტებზე და ერტთან მივირეთ დადებითი, დანარჩენთან უარყოფითი. პარალელურად უკვე ის პაციენტები, რომლებიც შემოსულები არიან და მათთან გავიდა 15-16 დღე, მათთან ტარდება ტესტირება, დინამიურად გაუმჯობესებულია, რომ სუსტი დადებითი მაჩვენებლი აქვს ტესტის შედეგებს. ეს უკვე ნიშნავს, რომ, ალბათ, იმ კრიტერიუმით რამდენ დღეშიც გამეორება უნდა უკვე ნეგატიური პასუხი იქნება, ამას თანდათანობით მოგაწოდებთ იმიტომ, რომ ეს ჩვენთან პარალელურად ტარდება ჩვენი ლაბორატორია მუშაობს და მონიტორინგის ჩატარების საშუალება ძალიან თავისუფლად გვაქვს.

ჩვენი ცენტრის შემთხვევა, ეს არის შემოტანილი შემთხვევა ესპანეთიდან, დანარჩენი ორი შემთხვევის შესახებ ჯერჯერობით არაფერი არ ვიცი. დღის მეორე ნახევარში ამასთან დაიკავშირებით ინფორმაციას. ეს ადამიანი იყო თვითიზოლაციაში, მისი კონტაქტები ცნობილია და, როგორც ყოველთვის, ამ კონტაქტების კვლევა და იზოლაცია გრძელდება.ახალგაზრდაა და მათი ჯანმრთელობის მდგომარეობა არ არის მძიმე. კვლევები დაიწყება მათთან“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა