დაავადებათა კონტროლისა და საზოგადოებრივი ჯანმრთელობის ეროვნული ხელმძღვანელი პაატა იმნაძე აცხადებს, რომ ბაზარზე შესაძლოა კორონავირუსის ფეიკტესტები გაჩნდეს.

როგორც იმნაძემ აღნიშნა, ის გაეცნო რამდენო რამდენიმე მწარმოებლის ტესტებს, თუმცა ისინი ელემენტარულ სტანდარტებსაც ვერ აკმაყოფილებენ.

პაატა იმნაძე ოპოზიციის ერთ-ერთი ლიდერის, გიორგი ვაშაძის ინიციატივას გამოეხმაურა, რომლის მიხედვითაც ოპოზიცია მზად არის მთავრობას სწრაფი ტესტების შემოტანაში დაეხმაროს.

"ჩვენ ძალიან დიდი მადლობელი ვიქნებით ყველასი, ვინც კერძო სექტორში შეძლებს, შემოიტანს ტესტებს, რომლებიც ვალიდური იქნება, რადგან სამწუხაროდ, მე პირადად გავეცნი, 15-16 მწარმოებლის ტესტებს, რომლებიც არავითარ შემთხვევაში, მათი უმრავლესობა არ აკმაყოფილებს ელემენტარულ სტანდარტებს, რასაც უნდა აკმაყოფილებდეს ტესტები, მაგრამ ქალბატონმა მინისტრმა მოგახსენათ, მოლაპარაკებები მიდის სამთავრობო დონეზე, რაც გარანტიას იძლევა, როცა ქვეყანა გაძლევს რაღაც ტესტს, ამას სხვა გარანტია აქვს, მაგრამ როცა ბაზარზე მოიპოვებ რაღაც ტესტს, მას ძალიან მაღალი რანგის შესწავლა სჭირდება. უკვე არის მსოფლიოში გამოცდილება, როცა ასეთი ფეიკტესტები ვრცელდება, აღმოსავლეთის ბევრი ქვეყანა ამით გამოირჩევა, უცებ მოერგებიან ბაზრის საჭიროებებს. შესაძლოა, ბაზარზე გაჩნდეს ძალიან ბევრი უხარისხო ფეიკტესტი“, - განაცხადა პაატა იმნაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია