აშშ-ს სენატორი, ჯიმ რიში და სენატის საგარეო ურთიერთობათა კომიტეტის თავჯდომარემ, სენატორი ჯენე შაჰინი ერთობლივ განცხადებას ავრცელებენ და საუბრობენ შაბათ-კვირას თბილისში მიღებულ შეთანხმებაზე.

განცხადებაში სენატორები აღნიშნავენ, რომ მიესალმებიან საქართველოში მიღწეულ შეთანხმებას საარჩევნო სისტემასთან დაკავშირებით და ელიან, რომ შეთანხმებით გათვალისწინებული პირობები დროულად შესრულდება.

”მოხარული ვარ, რომ ამ შაბათ-კვირას საქართველოს პოლიტიკური სპექტრის ყველა მხარემ მიაღწია შეთანხმებას და ველოდები მის სრულ განხორციელებას უახლოეს კვირებსა და თვეებში. ამ წლის დასაწყისში მე და ჩემმა კოლეგამ სენატორმა შაჰინმა მივწერეთ პრემიერ-მინისტრ გახარიას და გამოვხატეთ ჩვენი შეშფოთება საქართველოში ბოლოდროინდელ მოვლენებთან დაკავშირებით და ვურჩიე, რომ საქართველოს მთავრობას დემოკრატიული რეფორმა გაეტარებინა. მოხარული ვარ, რომ ეს ხელშეკრულება წარმოადგენს მნიშვნელოვან ნაბიჯს საქართველოში დემოკრატიისა და კარგი მმართველობის აღდგენისაკენ. როდესაც საქართველო ამ წლის ბოლოს საპარლამენტო არჩევნებისთვის ემზადება, აუცილებელია, რომ შეთანხმებული ცვლილებები სწრაფად განხორციელდეს და ყველა მხარემ მიიღოს", - ვკითხულობთ სენატორების განცხადებაში.

სენატორი რიში განცხადებაში მიესალმება შეთანხმების ერთ-ერთ პუნქტს, რომელიც სასამართლო რეფორმასა და პოლიტპატიმრების გათავისუფლებას ეხება და ელის, რომ პოლიტპატიმრებს დროულად გაათავისუფლებენ.

"აშშ მოხარული იქნება თუ შემოდგომით სამართლიანი და თავისუფალი არჩევნები იქნება. მე ყველა პარტიას ვულოცავ, რომ ამ რთული კომპრომისის ფასად მიაღწიეს მნიშვნელოვან შეთანხმებას, რომელიც საქართველოს დემოკრატიული წინსვლისთვის აუცილებელია. მივესალმებით შეთანხმების ერთ-ერთ პირობას, რომელიც პოლიტპატიმრების დაკავებასა და სასამართლო სისტემას ეხება და ველით, რომ პოლიტიკურო ნიშნით დაპპატიმრებული პირები დროულად გათავისუფლდებიან", - აღნიშნავს სენატორი რიში.

სენატორი შაჰინი მიესალმება ამ დემოკრატიული რეფორმის გატარებას და იმედი აქვს, რომ საქართველო დემოკრატიული ინსტიტუტების გაძლიერებას გააგრძელებს.

"2012 წლიდან ჩვენ ვხედავთ, რომ საქართველო გულმოდგინედ მუშაობს ამ დემოკრატიული ნაბიჯის გადადგმისთვის. მათ ამ ბოლო 8 წლის განმავლობაში ამ მიზნის მისაღწევად მნიშვნელოვან პროგრესს მიაღწიეს. ვაფასებ ამ პროცესში სამოქალაქო ჩართულობას, რაც დემოკრატიის ერთ-ერთი ასპექტია. იმედი მაქვს საქართველო გააგრძელებს ამ გზასა და დემოკრატიული ინსტიტუტების გაძლიერებას", - განაცხადა სენატორმა შაჰინმა.

ავტორი: ექსპრესნიუსი,

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები