კითხვებს პასუხები გაეცა და დღეს მმართველ გუნდსა და ოპოზიციას შორის შეთანხმებული საარჩევნო მოდელი მისაღებია. - ამის შესახებ ჟურნალისტებს, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე დიმიტრი ხუნდაძემ განუცხადა. 

„მას შემდეგ, რაც მოვისმინე არგუმენტები, რაც გაეცა პასუხები ჩემს მიერ დასმულ კითხვებს, შემიძლია, ვთქვა, რომ ჩვენი მიზანი მიღწეულია – ის, რომ ქვეყანა იმ საარჩევნო მოდელით, რომელიც არის შეთანხმებული, არ შევა კრიზისში, რომ მაჟორიტარული შემადგენელი შენარჩუნებულია და გამარჯვებული გუნდი დააკომპლექტებს კარგ მთავრობას. ასევე მნიშვნელოვანია, რომ ვადამდელი არჩევნების შემთხვევაში, თეორიულ ვარიანტს ვგულისხმობ, შემდეგი არჩევნები ჩატარდება ისევ მაჟორიტარული და პროპორციული შემადგენლით. ეს იყო ჩვენი ერთ-ერთი მთავარი მოთხოვნა, რომ დესტრუქციულ ოპოზოციას მიეტოვებინა ქუჩა და არ ჰქონოდა ქუჩაში ყოფნის საფუძველი. ჩვენი მიზანი მიღწეულია, მაჟორიტარული შემადგენელი შენარჩუნებულია, კრიზისი გამორიცხულია და ასევე თეორიული ვარიანტითაც არის დაზღვეული, რომ ვადამდელი არჩევნების შემთხვევაშიც კი არჩევნები ჩატარდება მაჟორიტარული შემადგენლით“, – განაცხადა დიმიტრი ხუნდაძემ.

მისი თქმით, დეპუტატების მთავარი მიზანი, რომლებიც პროპორციულ სისტემაზე გადასვლას ეწინააღმდეგებოდნენ, იყო ის, რომ პრობლემა არ ჰქონოდა ქვეყანას.

საარჩევნო მოდელზე შეთანხმება მიღწეულია. ამის შესახებ დიპლომატების მონაწილეობით გამართული მოლაპარაკებებიდან გამოსულმა ოპოზიციისა და ხელისუფლების წარმომადგენლებმა განაცხადეს.
საქართველოს პარლამენტის თავმჯდომარის, არჩილ თალაკვაძის განცხადებით, ოპოზიციასა და მმართველ გუნდს შორის პოლიტიკური მოლაპარაკებები ფართო კონსესუსით დასრულდა და მხარეები შეთანხმდნენ ყველა ძირითად მნიშვნელოვან საკითხზე, რაც 2020 წლის არჩევნებს უკავშირდება.
მმართველი გუნდი და ოპოზიცია 120/30-ზე მოდელზე, ერთპროცენტიან საარჩევნო და 40-პროცენტიან უმრავლესობის დასაკომპლექტებელ ბარიერზე შეთანხმდნენ.

ავტორი: ექსპრესნიუსი,

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო