„ამ ეტაპისთვის, საკმარისად მზად ვართ იმისთვის, რომ გავუმკლავდეთ არსებულ ინფექციას იმ რაოდენობით, რა რაოდენობითაც საქართველოშია დაფიქსირებული“, - ამის შესახებ კორონავირუსთან დაკავშირებით ჯანდაცვის მინიტრმა განაცხადა.

როგორც მან აღნიშნა, კორონავირუსის პრევენციასთან დაკავშირებით სახელმწიფოს მხრიდან არსებული მიზნები მიღწეულია.

 „ჩვენი მიზანი იყო, რომ მაქსიმალურად მზად დავხვედროდით უკვე ინფექციის შემოსვლას საქართველოში და ამ ეტაპისთვის, საკმარისად მზად ვართ იმისთვის, რომ გავუმკლავდეთ არსებულ ინფექციას იმ რაოდენობით, რა რაოდენობითაც საქართველოშია დაფიქსირებული. არის ეს საკარანტინე ადგუილები თუ ჰოსპიტალური სივრცეების რესურსი. შემდეგი მიზანი იყო, რომ მომხდარიყო ინფექციის აღმოჩენა მაქსიმალურად საზღვართან ახლოს და ეს მიზანიც სახელმწიფოს მხრიდან მიღწეულია. ამ მიზანს მოყვებოდა ის ნაბიჯი, რომ ჩვენთვის მნიშვნელოვანი იყო კარანტინში, თვითიზოლაციაში მყოფი პაციენტების დროული იდენტიფიცირება იმისათვის, რომ არ მომხდარიყო ინფექციის გადაცემა უკვე ქვეყნის შიგნით და ეს პირობაც არის ძალიან კარგად შესრულებული. დღესდღეობით, ჩვენ გვყავს 170 პაციენტი, რომლებიც იმყოფებიან საკარანტინო სივრცეებში, გვყავს 32 პაციენტი, რომლებიც იმყოფებიან სტაციონარში და აქედან 9 პაციენტი, რომლებსაც აქვთ დადასტურებული ინფექცია. დამატებით სხვა პაციენტებზე მიმდინარეობს მოკვლევა“, - განაცხადა ეკატერინე ტიკარაძემ.

შეგახსენებთ, რომ ამ დროისთვის, საქართველოში კორონავისრუსის 9 შემთხვევაა დადასტურებული.

ავტორი: ექსპრესნიუსი,

სოციალური ქსელები

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის