აჭარის მაუწყებლის საინფორმაციო სამსახურის უფროსი მოვალეობის შემსრულებელი სოციალურ ქსელებში LGBT- თემის მიმართ ჰომოფობიური შინაარსის გზავნილებით გამოირჩევა. ასევე ის სექსისტური გზავნილების ავტორიცაა.- ინფორმაციას ტელეკომპანია 25-ე არხი ავრცელებს.

გიორგი ამბაზაძე სექსუალური უმცირესობი მიმართ სიძულვილის ენას იყენებს და თემის დისკრედიტაციას ცდილობს. აბაზაძე ფეისბუქის საკუთარ გვერდზე არც სექსისტური შინაარსის პოსტებს ერიდება.

როგორ შეძლებს საზოგადოებრივი მაუწყებლის საინფორმაციო სამსახურის უფროსის მოვალეობის შემსრულებელი LGBT- თემის გაშუქებისას ბალანსის დაცვას? ვკითხეთ მაუწყებლის დირექტორის მოადგილეს. ვახო ხუზმიაშვილი სიძლვილის ენას და ჰომოფობიას ემიჯნება, თუმცა ფაქტზე რეაგირების მოხდენას არ აპირებს.

„თუ ვინმეს სექსუალური ორიენტაციის გამო, რაიმე სახით შეურაცხყოფას აყენებენ ეს ჩემთვის კატეგორიულად მიუღებელია. როგორ შეიძლება ჰომოფობები მომწონდეს, მაგრამ კოლეგის შემფასებლად ვერ გამოვდგები“ - ამბობს ვახო ხუზმიაშვილი ჩვენთან საუბრისას.

გიორგი აბაზაძე TV25.GE-ს სატელეფონო ზარებსა და შეტყობინებებს მთელი დღის განმავლობაში არ პასუხობს .

საზოგადოებრივი მაუწყებლის ქცევის კოდექსში ვკითხულობთ, მაუწყებლის თანამშრომელი ვალდებულია:  სამართლიანად გავაშუქოთ ქვეყანაში მცხოვრებ უმცირესობებსა და საზოგადოებრივ ჯგუფებთან დაკავშირებული თემები.

ავტორი: ექსპრესნიუსი,

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა