ეკონომიკისა და მდგრადი განვითარების მინისტრი ნათია თურნავა ტორონტოს  უნივერსიტეტის მუნკის სახელობის გლობალური ურთიერთობებისა და საჯარო პოლიტიკის სკოლის სტუდენტებს შეხვდა, რომლებიც საქართველოს შესახებ კვლევაზე მუშაობენ.

შეხვედრაზე ნათია თურნავამ ეკონომიკისა და მდგრადი განვითარების სხვადასხვა უწყებების მიერ განხორციელებულ იმ პროგრამებზე ისაუბრა, რომლებიც ხელს უწყობს ქვეყანაში მცირე და საშუალო ბიზნესის განვითარებას. მათ შორის, მინისტრმა უცხოელ სტუდენტებს გააცნო ისეთი პროგრამები, როგორიცაა „100 საინვესტიციო შეთავაზება ბიზნესს," სტარტაპების განვითარებისა და  „აწარმოე საქართველოში" მიკრო და მცირე გრანტების პროგრამები, ასევე პროგრამა „აწარმოე უკეთესი მომავლისთვის," რომელიც უშუალოდ გამყოფი ხაზების გასწვრივ ვაჭრობისა და მასთან დაკავშირებული ეკონომიკური საქმიანობის ხელშეწყობის, აგრეთვე თანამშრომლობისა და ნდობის მშენებლობისათვის საფუძვლის შექმნის მიზნით, გამყოფი ხაზების ორივე მხარეს მცხოვრები მოსახლეობის ერთობლივი წარმოებისა და პარტნიორული პროექტების მხარდაჭერას ითვალისწინებს.

ნათია თურნავამ სტუდენტებთან ასევე დაწვრილებით ისაუბრა საქართველოში არსებულ ბიზნესგარემოზე,  ტურიზმისა და საკურორტო ზონების განვითარებაზე, საერთაშორისო რეიტინგებში საქართველოს პოზიციების გაუმჯობესებაზე, საქართველოს, როგორც ლოგისტიკური და სატრანსპორტო ჰაბის როლზე, ენერგეტიკული სექტორის განვითარებაზე და სხვა.

ტორონტოს  უნივერსიტეტის მუნკის სახელობის გლობალური ურთიერთობებისა და საჯარო პოლიტიკის სკოლის სტუდენტებთან შეხვედრა კითხვა-პასუხის რეჟიმში წარიმართა.

ავტორი: NS (სტატია დაფინანსებულია),

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა