ფრაქცია „ნაციონალური მოძრაობის“ წევრმა თინა ბოკუჩავამ, იურიდიული საკითხთა კომიტეტის სხდომაზე უმრავლესობის დეპუტატებს პოლიტ. პატიმრების ფლაერები დაურიგა.

როგორც ოპოზიციონერმა დეპუტატმა აღნიშნა, ბიძინა ივანიშვილს სურს პოლიტ. პატიმრებით მართოს ქვეყანა, რისთვისაც ირაკლი შოთაძეს ფენერალურ პროკურორად ნიშნავს.

„ჩვენ უბრალოდ ვარიგებთ პოლიტ. პატიმრების ფლაერებს იმისთვის, რომ ყველა უმრავლესობის დეპუტატმა კიდევ ერთხელ ნახოს ივანიშვილის პირადი პოლიტ. პატიმრები. ამისთვის უნდა სწორედ ბიძინა ივანიშვილის მონა შოთაძის დანიშვნა და უნდა პოლიტ. პატიმრებით მართოს ქვეყანა. რამდენი პოლიტ. პატიმარიც არ უნდა ყავდეს ბიძინა ივანიშვილს თქვენი ხელით ბატონო შოთაძე, ჩვენ ვერ გაგვაჩერებთ და ჩვენ ვერ გაგვაჩუმებთ. ეს არიან პოლიტ. პატიმრები: გიგი უგალავა, ირაკლი ოქრუაშვილი, გიორგი რურუა, გავრილოვის პატიმრები და სხვა უამრავი პოლიტპატიმარი. შოთაძემ ძალიან კარგად უნდა იცოდეს, გასაგებია ფარცხალაძის ხელით, ბოტასების ქურდის ხელით და თქვენი გამოყენებით აპირებს, რომ პოლიტიკური დევნის ინსტრუმენტად აქციოს ისევ პროკურატურა, მაგრამ თქვენი დანიშვნით ივანიშვილი კიდევ ერთხელ ეუბნება ხალხს, რომ საერთოდ არ აინტერესებს მათი აზრი, რადგან თქვენ სწორედ საზოგადოებრივი ზეწოლის ფონზე დატოვეთ თანამდებობა“, - განაცხადა თინა ბოკუჩავამ.

შეგახსენებთ, რომ დღეს პარლამენტში, იურიდიულ საკითხთა კომიტეტის სხდომაზე გენერალური პროკურორობის კანდიდატ ირაკლი შოთაძეს მოუსმენენ. ხვალ კი ის პარლამენტის პლენარულ სხდომაზე წარდგება.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა