„ჩვენ ვაგრძელებთ მუშაობას და თანამშრომლობას პარტნიორებთან ერთად ნებისმიერ საკითხზე, ოპოიციას კი, შევხვდებით არჩევნებში“, - ამის შესახებ პარლამენტის თავმჯდომარემ არჩილ თალაკვაძემ, ჟურნალისტებთან საუბრისას განაცხადა.

როგორც თალაკვაძემ აღნიშნა, საარჩევნო წელი დაძაბულია და „ქართული ოცნების“ პრიორიტეტია საზოგადოებასთან მუშაობა.

„დეკლარაციის საკითხი ვერ შეცვლის საქართველოს ევროპულ არჩევანს და ევროპულ გზას, მეგობრებთან და პარტნიორებთან ერთად ჩვენ ვაგრძელებთ მუშაობას და თანამშრმლობას ნებისმიერ საკითხზე, რაც შეეხება ოპოზიციას, შევხვდებით არჩევნებში. ჩვენთვის, მთავარი ამოცანაა ვიმუშაოთ ჩვენს საზოგადოებასთან, მოქალაქეებთან და მოვემზადოთ არჩევნებისთვის, მოსალოდნელიც იყო, რომ საარჩევნო წელი იქნებოდა დაძაბული, ვხედავთ, რომ ოპოზიციის ნაწილი, რომელსაც აქვს ნულოვანი ან დაბალი მხარდაჭერა წინასაარჩევნო კამპანიას ახორციელებს საზღვარგარეთ, მაგრამ ჩვენთვის პრიორიტეტი არის ჩვენი საზოგადოება“, - განაცხადა არჩილ თალაკვაძემ.

მანვე დასძინა, რომ „ევროპის სახალხო პარტია“ 2012 წელსაც იყო და არის „ნაციონალური მოძრაობის“ მოკავშირე, თუმცა არჩევნებში გაიმარჯვა „ქართულმა ოცნებამ’.

„რაც შეეხება ევროპარლამენტს, იცით, რომ ევროპის სახალხო პარტია 2012 წელსაც და მანამდეც იყო „ნაციონალური მოძრაობის“ მოკავშირე პოლიტიკური პარტია და 2012 წლის და შემდეგ წლის არჩევნებში გაიმარჯვა „ქართულმა ოცნებამ“. ეს არის პოლიტიკური პროცესი, ევროპარლამენტი არის პოლიტიკური ორგანო და ეს არავითარ დამატებით დაძაბულობას არ უნდა იწვევდეს. ყველაზე მნიშვნელოვანი არის ჩვენთვის ჩვენი მოქალაქეების მიერ გაკეთებული არჩევანი და მთავარ გადაწყვეტილებას მიიღებენ ჩვენი მოქალაქეები. ჩვენი ამოცანაა მოვემზადოთ 2020 წლის საპარლამენტო არჩევნებისთვის. გპირდებით, როგორც ხელისუფლება, ეს არჩევნებიც ჩატარდება დემოკრატიულად, გამჭვირვალედ და თავისუფლად“, - აღნიშნა თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა